У працэсарах Apple знайшлі сур'ёзную ўразлівасць, якую не ліквідаваць
Група даследчыкаў знайшла ўразлівасць GoTech ў працэсарах M1, M2 і M3. Зламыснікі могуць з яе дапамогай перахопліваць крыптаграфічную інфармацыю, аднаўляць ключы шыфравання і адкрываць доступ да канфідэнцыйных даных.
Уразлівасць звязаная з механізмам папярэдняй загрузкі даных (DMP — Data Memory-dependent Prefetcher). Ён выкарыстоўваецца ў працэсарах Apple Silicon і Intel Raptor Lake. DMP часам памылкова загружае ў кэш цэнтральнага працэсара неадпаведныя даныя, праз што нейтралізуюцца ахоўныя сродкі софту. Такім чынам уразлівасць дазваляе прымусіць крыптаграфічны софт загрузіць у кэш канфідэнцыйныя даныя для наступнага іх крадзяжу.
Паводле даных Tom’s Hardware, уразлівасць закранае ўсе віды алгарытмаў шыфравання, якія лічацца абароненымі ад узлому. Адзіны спосаб выправіць сітуацыю — знізіць прадукцыйнасць шыфравання і дэшыфравання на чыпах. Распрацоўшчыкі могуць накіраваць кампаненты шыфравання на ядры, пазбаўленыя DMP, аднак гэта знізіць агульную прадукцыйнасць працэсараў.
Пры гэтым працэсары Intel Raptor Lake 13 і 14 пакаленняў пазбаўленыя гэтай уразлівасці, хоць у іх таксама выкарыстоўваецца DMP. Apple не пазначыла тэрмінаў, калі выправіць уразлівасць. Хутчэй за ўсё, яе ўлічаць пры праектаванні чыпаў M4, якія выйдуць на рынак ужо без гэтай памылкі.
Читать на dev.by