У Расіі шалёна растуць зарплаты джуноў

Характэрна, што дысбаланс паміж заробкамі ў Маскве і іншых рэгіёнах Расіі традыцыйна быў на карысць сталіцы. Але цяпер у рэйтынгу гарадоў з найбольшымі сярэднімі прапанаванымі заробкамі для джуноў у ІТ і телекаме Масква знаходзіцца на трэцім месцы.

Паводле статыстыкі сэрвісу, першае месца займае Растоў-на-Доне. Тут жа зафіксаваныя рэкордныя паказчыкі прыросту сярэдняй прапанаванай зарплаты ў 3 квартале — яна выявілася амаль у 2,5 разы вышэйшай, чым годам раней. Масква ў гэтым плане на перадапошнім месцы з вынікам усяго 38%. Абысці сталіцы ўдалося толькі Ніжні Ноўгарад (14%).

Сярэдняя прапанаваная зарплата ў ІТ для суіскальнікаў з досведам да 3 гадоў за названы перыяд амаль дасягнула 73,8 тысяч RUB ($770). Гэта значыць, адзначае CNews, на цяперашнім этапе расійская ІТ-галіна, у якой зарплаты дасведчаных спецыялістаў у найлепшым выпадку стагнуюць, а часам і зусім не даганяюць афіцыйнай гадавой інфляцыі, можа прапанаваць канкурэнтны заробак для тых, хто адкрывае для сябе гэтую сферу.

У жніўні 2023 года дэфіцыт персаналу ў расійскім ІТ на фоне масавага ад’езду спецыялістаў за мяжу дасягаў 700 тысяч чалавек. На цяперашні час праблема не вырашаная, а кампаніям нават даводзіцца наймаць афрыканскіх спецыялістаў, каб закрыць прабелы.

Эксперты «Авіта Работы» падкрэсліваюць, што рэгіянальныя ІТ-хабы вельмі актыўна прыцягваюць усё больш маладых спецыялістаў: «Ва ўмовах кадравага голаду ў ІТ-індустрыі працадаўцы з Масквы і рэгіёнаў прыцягваюць спецыялістаў-пачаткоўцаў не толькі годным прыбыткам на старце кар’еры, але і рознымі прывілеямі».

Там дадалі, што геаграфічнае размяшчэнне ў ІТ адносна ўмоўнае, паколькі шматлікія кампаніі прапаноўваюць гібрыдны і дыстанцыйны фарматы працы. Інакш кажучы, джунам не трэба пераязджаць у Растоў-на-Доне, каб атрымліваць за сваю працу больш, чым у Маскве.