У ЗША хочуць увесці падатак 30% на электраэнергію для майнінгу

Новая мера можа стаць інструментам для стрымлівання некантраляванага выкарыстання электраэнергіі для здабычы крыптавалют. Пра планаваны падатак стала вядома з праекта бюджэту ЗША на 2024 год. Пазначана, што ад 31 снежня 2023 года падатак складзе 10 працэнтаў, пасля чаго будзе паэтапна павышацца на працягу трох гадоў да 30 працэнтаў.

Паводле ацэнак адміністрацыі прэзідэнта ЗША, за дзесяць гадоў дзеяння падатку бюджэт папоўніцца на $3,5 мільярды. У Белым доме падкрэслілі, што забруджванне, якое стварае майнінг, адбіваецца на раёнах з нізкім даходам. Нестабільнае энергаспажыванне можа прывесці да павышэння цэн і выклікаць перабоі ў абслугоўванні.