Колькасць заявак на атрыманне амерыканскай рабочай візы H-1B для высокакваліфікаваных замежнікаў сёлета ўпала амаль на 40% у параўнанні з мінулым годам, піша Fast Company. Улады тлумачаць гэта мерамі, прынятымі супраць заяўнікаў, якія злоўжываюць сістэмай: некаторыя падаваліся ад некалькіх кампаній, каб павысіць шанец на поспех.
Колькасць заявак на атрыманне амерыканскай рабочай візы H-1B для высокакваліфікаваных замежнікаў сёлета ўпала амаль на 40% у параўнанні з мінулым годам, піша Fast Company. Улады тлумачаць гэта мерамі, прынятымі супраць заяўнікаў, якія злоўжываюць сістэмай: некаторыя падаваліся ад некалькіх кампаній, каб павысіць шанец на поспех.
Ад гэтага года служба грамадзянства і іміграцыі ЗША (USCIS) увяла новыя правілы, згодна з якімі імя кожнага замежнага супрацоўніка ўносіцца ў латарэю толькі адзін раз незалежна ад таго, колькі ў яго офераў.
У 2024 годзе на ўдзел у латарэі, якая праводзілася ў апошні тыдзень сакавіка, было зарэгістравана 470 342 заяўкі. Гэта на 38% менш, чым летась — тады было 758 994 штукі. Пры гэтым колькасць заяўнікаў моцна не змянілася: 442 тысячы супраць 446 тысяч годам раней. Зніжэнне кажа пра тое, што ўладам удалося адсеяць нядобрасумленных кандыдатаў: сёлета «было значна менш спроб атрымаць несправядлівую перавагу, чым у ранейшыя гады», адзначаецца ў нататцы USCIS для кампаній, заяўнікаў і іх прадстаўнікоў.
У 2023 годзе колькасць заявак вырасла ўтрая ў параўнанні з 2021-м пасля таго, як амерыканскія ўлады скасавалі патрабаванне дасылаць папяровыя дакументы для ўдзелу ў барацьбе за адную з 85 тысяч віз. Адзіным патрабаваннем стала аплаціць збор у $10 пры электроннай рэгістрацыі. Гэта моцна спрасціла працэдуру, але і прывяло да павелічэння патоку заявак ад кампаній. Напрыклад, у 2022 годзе адзін чалавек падаў заяўкі па 83 оферах.
Рэлацыраваліся? Цяпер вы можаце каментаваць без верыфікацыі акаўнта.
Индусы плакали, когда узнали о новых правилах
зато неквалифицированным нелегалам пофиг, главное проскочить мексиканскую границу