Узбекістан актыўна ўкараняе ШІ ў дзяржапарат. У выніку лічбавай трансфармацыі на працягу гэтага месяца сваіх пасад пазбавяцца больш за 2 тысячы чыноўнікаў. Адпаведны ўказ прэзідэнта краіны Шаўката Мірзіёева з’явіўся ў базе нацыянальнага заканадаўства, яго заўважыў РБК.
Згодна з дакументам «Аб мерах па аптымізацыі колькасці кіраўнічых пасад выканаўчых органаў дзяржаўнай улады за кошт шырокага ўкаранення лічбавізацыі», да 1 лістапада ў сістэме будзе скарочана 2141 штатная адзінка.
Больш за ўсё скарачэнне закране Падатковы камітэт — 498 адзінак, Міністэрства воднай гаспадаркі — 224, сельскай гаспадаркі — 200, юстыцыі — 197, экалогіі — 176, а таксама занятасці і скарачэння беднасці — 163 штатныя адзінкі. Работнікам, якія трапілі пад скарачэнне, будуць дапамагаць нанова працаўладкавацца Мінзанятасці і Федэрацыя прафсаюзаў Узбекістана.
Рашэнне прынята ў рамках маштабных рэформаў па мадэрнізацыі дзяржкіравання. Яны прадугледжваюць укараненне сучасных тэхналогій і рынкавых механізмаў у дзяржорганы, а таксама прыцягненне прыватнага сектара да выканання дзяржаўных функцый. Гэта павінна павысіць эфектыўнасць выканаўчых органаў і знізіць выдаткі. Адміністрацыйная рэформа ва Узбекістане пачалася ў снежні 2022 года, па ёй планавалася скараціць штат усіх міністэрстваў на 30%.
Рэлацыраваліся? Цяпер вы можаце каментаваць без верыфікацыі акаўнта.
А вот настоящая проблема тем, кто сидит в гос учреждениях и не развивается.