Паўднёвая Карэя прыпыніла новыя загрузкі кітайскай праграмы DeepSeek на фоне боязі з нагоды абароны асабістых даных. Камісія па абароне персанальных даных (PIPC) заявіла, што DeepSeek не ўзяў пад увагу некаторыя правілы агенцтва пра канфідэнцыйнасць.
Паўднёвая Карэя прыпыніла новыя загрузкі кітайскай праграмы DeepSeek на фоне боязі з нагоды абароны асабістых даных. Камісія па абароне персанальных даных (PIPC) заявіла, што DeepSeek не ўзяў пад увагу некаторыя правілы агенцтва пра канфідэнцыйнасць.
Мера мае на ўвазе блакаванне новых загрузак праграмы ў крамах праграм. Нягледзячы на прыпыненне новых загрузак, людзі, у якіх яна ўжо ёсць на тэлефонах, змогуць працягнуць яе выкарыстанне альбо атрымаць доступ да яе праз сайт DeepSeek. PIPC заявіла, што служба праграмы адновіцца пасля ўнясення паляпшэнняў у адпаведнасці з законам краіны пра канфідэнцыйнасць.
Кітайскі стартап прызначыў на мінулым тыдні юрыдычных прадстаўнікоў у Паўднёвай Карэі і прызнаў частковае парушэнне закона краіны аб абароне даных, заявіла PIPC. Раней у студзені італьянскі орган па абароне даных Garante таксама заблакаваў чат-бот DeepSeek у краіне пасля таго, як кампанія не змагла ліквідаваць асцярогі рэгулятара з нагоды сваёй палітыкі анфідэнцыйнасці.
Акрамя Паўднёвай Карэі, Тайвань і Аўстралія таксама забаранілі яе на ўсіх дзяржаўных прыладах. Між тым заканадаўцы ў ЗША прапанавалі законапраект, які забараняе DeepSeek на федэральных прыладах, спасылаючыся на асцярогі з нагоды сачэння. На ўзроўні ўрада штата Тэхас, Вірджынія і Нью-Ёрк ужо ўвялі такія правілы для сваіх супрацоўнікаў.
Рэлацыраваліся? Цяпер вы можаце каментаваць без верыфікацыі акаўнта.