У Паўднёвай Карэі вучыць дзяцей англійскай будуць робаты
Налета ў школах Сеула з’явяцца робаты-настаўнікі англійскай, якія будуць гутарыць з дзецьмі, каб дапамагчы ім асвоіць мову. Пра гэта ўчора абвясцілі прадстаўнікі мясцовых органаў адукацыі, піша The Korea Times.
У распрацоўцы робатаў пад кіраваннем штучнага інтэлекту будзе ўдзельнічаць прыватная кампанія. Іх размяркуюць у пяць пачатковых і сярэдніх школ паўднёвакарэйскай сталіцы. Яны маюць запрацаваць у пілотным рэжыме ў сакавіку.
Вонкава робаты будуць нагадваць сваіх «суродзічаў», якіх выкарыстоўваюць у рэстаранным бізнэсе як афіцыянтаў. Яны стануць памочнікамі настаўнікаў у класе і будуць размаўляць з вучнямі на англійскай у індывідуальным парадку. Таксама яны змогуць, напрыклад, карэктаваць вымаўленне дзяцей.
У выпадку поспеху да праекта падключаць больш школ. Акрамя гэтага, улады хочуць пашырыць выкарыстанне галасавых чат-ботаў для развіцця навыкаў маўлення і ўспрымання мовы на слых на англійскай у дзяцей, а таксама ўмення весці гутарку з замежнымі школьнікамі. Такія праграмы ўсталёўваюцца на смартфоны або ПК і дазваляюць вучням выбіраць тэму для гутаркі.
Читать на dev.by