Вялікабрытанія рызыкуе страціць 60% багацеяў — для іх рыхтуюць новы падатак
Брытанскія ўлады збіраюцца ўвесці новы падатак для людзей, у якіх зашмат грошай. Каля 60% заможных рэспандэнтаў фінансавай кансалтынгавай фірмы Arton Capital заявілі, што ў такім выпадку з’едуць з краіны. Апытанне праводзілася сярод больш за тысячу грамадзян Вялікабрытаніі з маёмасцю ад £1 млн у ліпені–жніўні.
Самым папулярным патэнцыйным напрамкам сталі ЗША. Для многіх новым домам таксама могуць стаць Канада, Аўстралія і ААЭ.
Каля 82% апытаных былі б зацікаўлены ў праграмах атрымання грамадзянства праз інвестыцыі за мяжой. Ад уласнай такой праграмы Вялікабрытанія адмовілася ў 2022 годзе.
Улады спрабуюць закрыць у бюджэце дзірку памерам £20-25 млрд. Адной з мер стала скарачэнне выдаткаў, напрыклад субсідый на паліва зімой і дапамог па непрацаздольнасці. Павелічэнне падаходнага падатку, ПДВ і адлічэнняў у сацстрах ва ўрадзе выключылі, але не падатак на багацце. Як варыянт — падняць падатак на прырост капіталу і падатак на прыбытак для карпарацый.
Читать на dev.by