Распрацоўшчык Replica Чарлі Хольц стварыў інструмент, які дазваляе расказваць пра ўсё, што адбываецца перад камерай, голасам вядомага брытанскага вядоўцы.
Распрацоўшчык Replica Чарлі Хольц стварыў інструмент, які дазваляе расказваць пра ўсё, што адбываецца перад камерай, голасам вядомага брытанскага вядоўцы.
З дапамогай АІ сінтэзаваны голас вядоўцы-натураліста каментуе найменшыя дзеянні чалавека перад камерай і стварае ўражанне ў гледача, што той знаходзіцца на праглядзе чарговага эпізоду серыяла «Жыццё на зямлі». «Тут мы можам назіраць цудоўную асобіну Homo Sapiens, адметнай прыкметай якога з’яўляецца пара круглых срэбных акуляраў», — кажа сінтэзаваны голас Атэнбора, калі Хольц здымае самога сябе.
David Attenborough is now narrating my life
— Charlie Holtz (@charliebholtz) November 15, 2023
Here’s a GPT-4-vision + @elevenlabsio python script so you can star in your own Planet Earth: pic.twitter.com/desTwTM7RS
Праграміст расказаў, як працуе інструмент. «Кожныя пяць секунд скрыпт Phyton запускае вэб-камеру, каб зрабіць здымак. Пасля яго апрацоўвае і аналізуе моўная мадэль GPT-4 праз API, наладжаны на стварэнне тэксту, які імітуе стыль аповеду Атэнбора. Затым гэты вынік адпраўляецца ў праграму ElevenLabs, якая агучвае тэкст голасам Атэнбора», — растлумачыў Хольц.
За лічаныя гадзіны твіт з відэа распрацоўшчыка набраў тысячы праглядаў, цяпер іх ужо некалькі мільёнаў. Некаторыя карыстальнікі адзначылі, што Хольц кланаваў голас Атэнбора без дазволу самога вядоўцы — праз гэта ўзнікаюць этычныя і юрыдычныя пытанні.
«Той факт, што асабіста мяне гэта засмучае, можа не мець ніякага значэння ў свядомасці людзей, якія свабодна падзяляюць здольнасць ствараць несапраўдныя версіі мяне незалежна ад маіх пачуццяў. Але мяне больш за ўсё турбуе, што аднойчы — а гэты дзень, магчыма, ужо вельмі блізкі — хтосьці скарыстаецца АІ, каб падмануць іншых, прымусіўшы паверыць, што я кажу рэчы, якія супярэчаць маім перакананням, або каб сказіць шырокую праблематыку, на тлумачэнне і прасоўванне якой я выдаткаваў усё жыццё», — адгукнуўся сапраўдны вядоўца.
Рэлацыраваліся? Цяпер вы можаце каментаваць без верыфікацыі акаўнта.