Аб’ём венчурных інвестыцый у амерыканскія стартапы ў 1 квартале 2023 года ўпаў больш як напалову ў параўнанні з аналагічным перыядам год таму. Пра гэта паведамляе Bloomberg са спасылкай на даныя PitchBook і National Venture Capital Association.
Аб’ём венчурных інвестыцый у амерыканскія стартапы ў 1 квартале 2023 года ўпаў больш як напалову ў параўнанні з аналагічным перыядам год таму. Пра гэта паведамляе Bloomberg са спасылкай на даныя PitchBook і National Venture Capital Association.
За першыя тры месяцы гэтага года стартапы ЗША паднялі $137 млрд венчурных грошай. У цэлым гэты паказчык зніжаецца ўжо 13 месяцаў запар і цяпер знаходзіцца на найніжэйшым узроўні ад 1 квартала 2020-га.
Паменшыўся як памер чэкаў, якія выпісваюць інвестары, так і іх колькасць. У 1 квартале адбылося менш за 3 тысячы ўгод — мінімум за апошнія 5+ гадоў.
Аналітыкі PitchBook адзначаюць, што ўдзельнікі інвестыцыйнага рынку сталі больш абачлівымі, і кампаніям будзе няпроста прыцягнуць грошы, нават калі яны растуць тымі ж тэмпамі, што і перад папярэднімі раўндамі.
На сітуацыю на рынку значна паўплываў крах Silicon Valley Bank, які гуляў велізарную ролю ў венчурнай і стартап-экасістэме Крэмніевай даліны, і без таго пацярпелай ад росту працэнтных ставак, эканамічнага спаду, а таксама падзення каціровак бігтэх-кампаній і шматтысячных скарачэнняў у амерыканскім ІТ.
Інвестарам між тым стала складаней зарабляць на стартапах. Сумарны аб’ём IPO стартапаў і ўгод па зліцці і паглынанні іншымі кампаніямі ў 2022 годзе ўпершыню за апошнія 6 гадоў упаў ніжэй за $100 млрд — да $71,4 млрд.
Рэлацыраваліся? Цяпер вы можаце каментаваць без верыфікацыі акаўнта.