У кожнага свае прычыны шукаць новую працу, ці то грошы, баланс паміж працай і асабістым жыццём або гучны тайтл. Віцэ-прэзідэнт па прадукту Google Юлі Квон Кім лічыць, што галоўнае не пасада, а тое, чаму вы зможаце навучыцца.
У кожнага свае прычыны шукаць новую працу, ці то грошы, баланс паміж працай і асабістым жыццём або гучны тайтл. Віцэ-прэзідэнт па прадукту Google Юлі Квон Кім лічыць, што галоўнае не пасада, а тое, чаму вы зможаце навучыцца.
«Кожны раз, калі я мяняла працу, я думала не пра тое, якой будзе мая наступная пасада, а пра тое, чаму яшчэ я хачу навучыцца. Пацешна, бо фармальна ў мяне зараз высокая пасада, але я ніколі не гналася за высокім тайтлам», — распавяла яна Business Insider.
Зараз Кім займае пасаду віцэ-прэзідэнта па прадукту Google Workspace. Раней яна працавала ў eBay і Facebook. З eBay сышла ў 2010-м на хвалі буму мабільных аплікацый у Крамянёвай даліне, калі венчурныя інвестары актыўна ўкладваліся ў сэрвісы накшталт Uber і Airbnb. Кім вырашыла далучыцца да трэнду. Некалькі гадоў папрацавала ў стартапах, а потым захацела зразумець, як будуюцца прадукты і бізнесы буйнога маштабу. «Гэта зусім іншы навык», — адзначае Кім. Гэта прывяло яе ў кіраванне прадуктамі ў Facebook, а потым на цяперашнюю ролю ў Google.
Паводле яе слоў, кар’ера — гэта гульня ў доўгую, і значэнне маюць не толькі самыя прывабныя з даступных пазіцый. «Вельмі часта кар’ера будуецца на абыходных кроках. Часта вы расцеце, набываючы шмат багатага досведу, які дае вам новыя навыкі, узаемаадносіны і рэчы, якія дапамагаюць у доўгатэрміновай перспектыве», — кажа Кім.
Безперапыннае навучанне яна лічыць асабліва актуальным у свеце, у якім ШІ трансфармуе цэлыя індустрыі: «Гэта, напэўна, самае каштоўнае, што вы можаце для сябе зрабіць у эпоху, калі ўсё так хутка змяняецца і з’яўляюцца новыя тэхналогіі. Каб не адставаць, трэба пастаянна вучыцца».
Релоцировались? Теперь вы можете комментировать без верификации аккаунта.