Улады хочуць увесці абавязковую здачу адбіткаў для замежнікаў і некаторых беларусаў
На разгляд у Палату прадстаўнікоў унесены законапраект «Аб змяненні законаў», які накіраваны на «ўдасканаленне заканадаўства ў сферы забеспячэння нацыянальнай бяспекі». Дакумент апублікаваны на Нацыянальным прававым інтэрнэт-партале.
Прапаноўваецца абавязаць здаваць адбіткі пальцаў замежнікаў (за некаторымі выключэннямі), якія перасякаюць мяжу. Калі гэтага не зрабіць, яму змогуць адмовіць ва ўездзе. Таксама абавязковая дактыласкапія прадугледжана для некаторых беларусаў пры абмене і выдачы дакументаў, якія сведчаць асобу. Гэта датычыцца беларусаў, якія маюць грамадзянства, ВНЖ ці ПМЖ іншай краіны, а таксама пастаянна пражываюць за мяжой і сталі на консульскі ўлік.
Акрамя гэтага, прапаноўваецца даць права памежнікам і мытнікам праводзіць «асабісты дагляд грамадзян і дагляд рэчаў, што знаходзяцца пры іх, у тым ліку з дапамогай тэхнічных і спецыяльных сродкаў» пры пагранічным кантролі. Юрасоб і ІП, якія выконваюць міжнародныя пасажырскія перавозкі, хочуць абавязаць бязвыплатна перадаваць персанальныя дадзеныя пасажыраў у інфармацыйныя сістэмы Мінтранса.
Читать на dev.by