Улады зацвердзілі Канцэпцыю развіцця інжынернай адукацыі да 2035 года. Будзе спрыяць спецыяльнасцям пра ШІ і квантавыя вылічэнні
Урад Беларусі зацвердзіў Канцэпцыю развіцця інжынернай адукацыі ў краіне на перыяд да 2035 года. Адпаведную пастанову падпісаў прэм’ер-міністр Аляксандр Турчын. Яна ўступае ў сілу са дня прыняцця.
Дакумент распрацаваны з мэтай развіцця інжынернай адукацыі, павышэння якасці падрыхтоўкі інжынерных кадраў і забеспячэння тэхналагічнай бяспекі Беларусі.
Пастанова прадугледжвае мадэрнізацыю адукацыйнага асяроддзя, удасканаленне зместу адукацыі і адукацыйных тэхналогій, павышэнне эфектыўнасці выкладчыцкай дзейнасці, папулярызацыю прафесіі інжынерна-тэхнічнага работніка.
Канцэпцыя таксама прадугледжвае стварэнне на базе ВНУ цэнтраў кампетэнцый, у тым ліку закупку сучаснага высокатэхналагічнага абсталявання, для забеспячэння апераджальнай падрыхтоўкі спецыялістаў па інжынерных спецыяльнасцях з улікам патрэбаў арганізацый — заказчыкаў кадраў.
Чакаецца, што канцэпцыя будзе спрыяць:
- павышэнню эфектыўнасці вытворчай практыкі, уключэнню ў праграмы ВНУ дысцыплін пад патрэбы прадпрыемстваў рэальнага сектара эканомікі;
- пашырэнню падрыхтоўкі інжынерных кадраў па міждысцыплінарных спецыяльнасцях, у тым ліку з выкарыстаннем тэхналогій штучнага інтэлекту, машыннага навучання, лічбавых двайнікоў, квантавых вылічэнняў, уцягванню арганізацый — заказчыкаў кадраў у падрыхтоўку такіх спецыялістаў.
Читать на dev.by