ШІ навучыўся рабіць мноства офісных задач, і мільёны зумераў у ЗША сутыкаюцца з беспрацоўем, а міленіялы шкадуюць, што бралі крэдыты на вучобу, піша Fortune. Іх вырашыў дабіць генеральны дырэктар Randstad — адной з найбуйнейшых стафінгавых фірмаў у свеце.
ШІ навучыўся рабіць мноства офісных задач, і мільёны зумераў у ЗША сутыкаюцца з беспрацоўем, а міленіялы шкадуюць, што бралі крэдыты на вучобу, піша Fortune. Іх вырашыў дабіць генеральны дырэктар Randstad — адной з найбуйнейшых стафінгавых фірмаў у свеце.
«Людзям варта задумацца, ці сапраўды гэта ўсё яшчэ правільны шлях — браць адукацыйны крэдыт, ісці ў ВНУ і вучыцца прафесіі, якая імкліва змяняецца» — сказаў выданню Сандэр ван 'т Нордэндэ. Нашы бацькі паўтаралі нам, што трэба пайсці ва ўніверсітэт, а адтуль у офіс — такі «маршрут» працаваў шмат гадоў, але цяпер губляе сэнс, кажа генеральны дырэктар.
«Мы бачым, што выпускнікам усё складаней знайсці працу. У такіх прафесіях, як маркетынг, камунікацыя, дызайн — проста паглядзіце, наколькі добра ШІ ужо спраўляецца з падобнымі рэчамі», — дадаў ван 'т Нордэндэ.
Па яго словах, прафесіі ўжо змяняюцца і будуць змяняцца далей, а таксама з’явяцца новыя прафесіі. Таксама «назіраецца вялікі попыт на кваліфікаваныя рамёствы — на інжынераў-механікаў, аператараў машын, інжынераў па тэхабслугоўванні, кіроўцаў пагрузчыкаў і грузавікоў і падобныя прафесіі».
З улікам стану рынку ван 'т Нордэндэ лічыць не вельмі добрай парадай займацца тым, што «па душы». «Вывучайце справу, рамяство ці прафесію, якая дазволіць вам добра зарабляць на жыццё і забяспечваць вас і вашу сям’ю», — рэкамендуе ён.
Тым, хто ўжо выдаткаваў час і грошы на дыплом, які губляе рэлевантнасць, ён раіць перавучвацца. «Агледзьцеся вакол і ідзіце туды, дзе ёсць магчымасці, якія падыходзяць вам па скілах і бэкграундзе», — кажа генеральны дырэктар. Але прызнае, што гарантый няма, і на нейкім этапе можа спатрэбіцца вучыцца чамусьці новаму.
Релоцировались? Теперь вы можете комментировать без верификации аккаунта.
а что такое «образовательный кредит»?