Выручка Apple упала, кампанія не плануе масавых скарачэнняў

Выручка кампаніі знізілася на 3% да $94,84 мільярда. Чысты прыбытак за квартал склаў $24,16 мільярда. Выручка ад продажу iPhone павялічылася на 2% да $51,33 мільярда, што вышэй за прагноз аналітыкаў. Продажы Mac упалі больш як на 31% за год да $7,17 мільярда. Выручка ад продажу iPad таксама знізілася на 13% і склала $6,67 мільярда.

Выручка ад App Store ды іншых сэрвісаў кампаніі вырасла на 5,5% да $20,9 мільярда. Таксама рада дырэктараў кампаніі ўхваліла выкуп акцый і выплату дывідэндаў на суму $90 мільярдаў. Кіраўнік Apple Цім Кук заявіў, што кампанія не плануе праводзіць скарачэнне штату і разглядае гэта як «крайнюю меру».