Выручка Meta падае другі квартал запар пагрозлівымі тэмпамі

Выручка Meta ўпала за справаздачны перыяд на 4% і склала $27,7 мільярда. Кампанія патлумачыла падзенне паказчыка ўплывам інфляцыі. Чысты прыбытак склаў $4,39 млрд, упаўшы на 52% у параўнанні з мінулым годам ($9,19 мільярда). Выручка падраздзялення RealityLabs, якое ў тым ліку займаецца распрацоўкай метасусвету, скарацілася амаль удвая: да $285 мільёнаў. Страты падраздзялення склалі каля $3,7 мільярда супраць $2,6 мільярда годам раней.

Акцыі Meta пасля публікацыі справаздачы ўпалі на 19,66% — да $104,3 за штуку. Раней у лютым кампанія ўпершыню ў гісторыі справаздачылася пра страту ўнікальных карыстальнікаў Facebook, у ліпені — пра падзенне квартальнага прыбытку. Інвестары заклікалі кампанію скараціць выдаткі на персанал і метасусвет. Усяго за 2022 год акцыі кампаніі патаннелі на 60%.