Выйшаў рэйтынг лепшых краін для лічбавых качэўнікаў. 7 з 10 топавых — у Еўропе

Краіны ацэньваліся па 15 крытэрыях, аб’яднаных у 6 катэгорый, уключаючы працэдуру атрымання і тэрмін дзеяння візы, мабільнасць і складанасць атрымання грамадзянства, падатковы рэжым, эканоміку, кошт і ўзровень жыцця, а таксама тэхналагічны ўзровень.

Першае месца, як і ў аналагічным рэйтынгу VisaGuide.World, заняла Іспанія. Лідэрства ёй забяспечыла віза, якая дазваляе замежнікам працаваць аддалена на кампаніі за межамі краіны і атрымліваць да 20% даходу ўнутры яе, плюс у далейшым прэтэндаваць на грамадзянства. Таксама тут адна з самых высокіх хуткасцяў шырокапалоснага інтэрнэту і высокая якасць жыцця.

Усяго ў першай дзясятцы рэйтынгу апынулася сем еўрапейскіх краін. Яна выглядае так:

1. Іспанія
2. Нідэрланды
3. Уругвай
4. Канада
5. Чэхія
6. Партугалія
7. Францыя
8. ААЭ
9. Германія
10. Мальта

Аўтары палічылі Нідэрланды адным з лепшых напрамкаў для доўгатэрміновай інтэграцыі, у тым ліку за кошт дазволу на самазанятасць, які дае права на пастаяннае пражыванне ў краіне. Таксама Нідэрланды займаюць 1 месца па якасці жыцця сярод разгледжаных краін, тут выдатная медыцына і бяспека.

Уругвай вызначыўся ўмеранай вартасцю жыцця і хуткім інтэрнэтам, а таксама магчымасцю атрымаць грамадзянства пасля некалькіх гадоў жыцця тут.

Акрамя гэтага, на 21 пазіцыі рэйтынгу размясцілася Латвія, 24 месца заняла Арменія.

З’явіўся топ лепшых гарадоў для аддаленых працаўнікоў

Па тэме

З’явіўся топ лепшых гарадоў для аддаленых працаўнікоў