Стваральнік Claude Code Борыс Чорны звярнуўся з пасланнем да выпускнікоў факультэтаў камп’ютарных навук. На ягоную думку, маладым спецыялістам з прадпрымальніцкай жылкай цяпер наогул не варта марнаваць час на пошук працы ў штаце. Дзякуючы магчымасцям сучасных ШІ-агентаў, парог уваходу ў бізнес упаў да гістарычнага мінімуму.
Стваральнік Claude Code Борыс Чорны звярнуўся з пасланнем да выпускнікоў факультэтаў камп’ютарных навук. На ягоную думку, маладым спецыялістам з прадпрымальніцкай жылкай цяпер наогул не варта марнаваць час на пошук працы ў штаце. Дзякуючы магчымасцям сучасных ШІ-агентаў, парог уваходу ў бізнес упаў да гістарычнага мінімуму.
«Калі вы хочаце працаваць у кампаніі — вы цалкам можаце гэта зрабіць, вакансіі пачатковага ўзроўню ёсць. Але калі ў вас ёсць хоць нейкая прадпрымальніцкая жылка — ідзіце і рабіце стартап. У гісторыі яшчэ ніколі не было лепшага часу для гэтага — зараз залаты век. Вы разам са сваімі ШІ-агентамі можаце пабудаваць велізарную кампанію», — натхніў ён.
У якасці доказу сваіх слоў Чорны прывёў нядаўнюю сустрэчу з новым патокам фаундараў у Y Combinator. Замест банальнага пытання пра тое, ці выкарыстоўваюць яны Claude Code, распрацоўшчык спытаў, хто з іх дазваляе ШІ пісаць увогуле 100% кода. На ягонае здзіўленне, рукі падняла палова залы. З некалькіх соцень прысутных знайшоўся толькі адзін чалавек, які прынцыпова не выкарыстоўвае ШІ ў праграмаванні. Усе астатнія дэлегуюць нейрасеткам ад 50% руціны.
Гэты трэнд пацвярджае і кіраўнік OpenAI Сэм Альтман. Ён адзначыў, што калі раней венчурныя фонды шукалі ў камандах стартапаў перш за ўсё моцныя тэхнічныя таленты, то цяпер фокус змясціўся. Сёння інвестары гатовы даваць грошы людзям, якія наогул не ўмеюць кадзіраваць, але пры гэтым глыбока разумеюць патрэбы сваіх будучых карыстальнікаў — усю тэхнічную частку за іх зробіць ШІ.
Што датычыцца будучыні самой прафесіі праграміста, Чорны перакананы, што індустрыя стаіць на парозе маштабнай трансфармацыі. Сама назва «інжынер» можа адысці ў мінулае, але каштоўнасць людзей, якія кіруюць тэхналогіямі, вырасце ў сотні разоў.
«Я не думаю, што мы будзем называць іх інжынерамі. Але калі казаць пра людзей, якія пішуць код або выкарыстоўваюць для гэтага ШІ-агентаў, то, паводле майго прагнозу, іх стане ў 100 разоў больш, чым сёння», — адзначыў ён.
Релоцировались? Теперь вы можете комментировать без верификации аккаунта.