Wargaming прыпыніла працу офіса ў Кіеве

Юрыдычная асоба, якая кіруе цэнтрам распрацоўкі ў Кіеве, знаходзіцца «ў стане спынення». Рашэнне было прынята ў студзені гэтага года ўласнікамі Wargaming Group Кіслым і Кацалапавым, якім належыць 75% і 25% долей адпаведна. Спачатку яно разлічвалася на тры месяцы, да канца красавіка, але згаданы статус дагэтуль у сіле.

Пасля пачатку вайны ва Украіне Wargaming падзяліў бізнес на расійска-беларускі («Леста Игры») і міжнародны сегменты, а таксама запускаў розныя праекты ў падтрымку жыхароў краіны і ваенных. Гэта стала падставай для прызнання ўласніка «Лесты» Маліка Хатажаева і Кіслага «экстрэмісцкім аб’яднаннем» у Расіі і перадачы кампаніі пад кантроль дзяржавы. Пазней у Беларусі была пачата спецвытворчасць супраць Кацалапава, якога ўлады залічылі да «экстрэмістаў» у канцы 2022 года.

«ВАРГЕЙМІНГ ЮКРЕЙН» была створана ў 2016 годзе. Мяркуючы па адкрытых дадзеных, у 2024 годзе яна спрацавала ў страту. У мінулым у Wargaming таксама быў офіс у Харкаве. Яго зачынілі ў 2015 годзе.