Николай Чикишев world 28 студзеня 2026, 12:03

WhatsApp запусціў рэжым супер-абароны акаўнтаў ад кібератак

Месэнджар прэзентаваў новы рэжым узмоцненай абароны акаўнта Strict Account Settings. Ён прызначаны для карыстальнікаў з павышанымі рызыкамі: журналістаў, актывістаў і публічных асобаў.

Пакінуць каментарый

WhatsApp запусціў рэжым супер-абароны акаўнтаў ад кібератак

Месэнджар прэзентаваў новы рэжым узмоцненай абароны акаўнта Strict Account Settings. Ён прызначаны для карыстальнікаў з павышанымі рызыкамі: журналістаў, актывістаў і публічных асобаў.

Новы рэжым паступова становіцца даступным карыстальнікам і актывуецца праз налады аплікацыі. Пасля ўключэння WhatsApp аўтаматычна блакуе медыяфайлы і ўкладанні ад невядомых адпраўнікоў, адключае прадпрагляд спасылак і прыглушае званкі з незнаёмых нумароў.

Акрамя таго, рэжым уключае двухэтапную праверку па змаўчанні, апавяшчэнні аб змене кодаў бяспекі ў чатах, а таксама ўзмацняе налады прыватнасці: статус «быў(ла) у сеціве», фота профілю і апісанне становяцца бачнымі толькі кантактам, а дадаваць карыстальніка ў групы могуць толькі загадзя дазволеныя людзі. Пераключыць гэты рэжым можна толькі з асноўнай прылады, а не праз вэб-версію ці дэсктопныя кліенты.

У WhatsApp паведамляюць, што, нягледзячы на скразное шыфраванне ўсіх чатаў, «невялікай частцы карыстальнікаў могуць спатрэбіцца экстрэмальныя меры абароны ад рэдкіх, але высокатэхналагічных атак». Новы рэжым, па сутнасці, абмяжоўвае функцыянальнасць аплікацыі ў абмен на зніжэнне ўразлівасцяў.

Meta стала трэцяй буйной тэхналагічнай кампаніяй, якая прапанавала падобны падыход. У 2022 годзе Apple запусціла Lockdown Mode для iPhone і macOS, а ў 2025-м Google дадала Advanced Protection Mode у Android. Абодва рашэнні таксама абмяжоўваюць функцыянал сэрвісаў дзеля ўзмоцненай абароны.

Эксперт па лічбавай бяспецы Джон Скот-Рэйлтан з The Citizen Lab назваў запуск новага рэжыму WhatsApp «вельмі важным крокам», адзначыўшы, што ён можа істотна павысіць бяспеку дысідэнтаў і актывістаў і падштурхнуць іншыя кампаніі да аналагічных мераў.