X прыбярэ магчымасць дадаваць людзей у чорныя спісы

У карыстальнікаў сацсеткі знікне магчымасць абмяжоўваць іншым карыстальнікам доступ да запісаў на іх акаўнтах. Аднак застанецца опцыя, якая дазваляе блакаваць адпраўку асабістых паведамленняў. Маск не патлумачыў, калі функцыю выдаляць з сацсеткі, але адзначыў, што ў ёй «няма сэнсу».

Раней у X з’явілася пяцісекундная затрымка пры пераходзе на некаторыя сайты, у тым ліку Reddit, Reuters, The New York Times. The Washington Post звязала гэта змяненне з непрыязным стаўленнем Маска да гэтых рэсурсаў.