X запусціць плацежны сэрвіс у сацсетцы разам з Visa
Сацыяльная сетка абвясціла пра партнёрстве з Visa для запуску плацежнага сэрвісу X Money. Карыстальнікі змогуць папаўняць свой гаманец у X і падключаць свае дэбетавыя карты для P2P пераводаў. Кліенты таксама змогуць пераводзіць сродкі на свой банкаўскі рахунак з X Money.
X будзе выкарыстоўваць сэрвіс Visa Direct для забеспячэння хуткіх пераводаў. Гэтая тэхналогія дазволіць карыстальнікам папаўняць гаманец X Money, падключаць дэбетавыя карты для плацяжоў іншым карыстальнікам і пераводзіць грошы назад на банкаўскі рахунак. Генеральная дырэктарка X Лінда Якарына заявіла, што гэта толькі першая з «многіх буйных аб’яў» пра сэрвіс X Money.
AP адзначае, што Ілан Маск задумаўся наконт ператварэння X у фінансавую платформу неўзабаве пасля куплі кампаніі. Раней бізнэсмен казаў пра планы інтэграцыі сэрвісу данатаў стваральнікам кантэнту і атрымання даходу ад астатку сродкаў на рахунках X. Ад тых часоў кампанія атрымала ліцэнзіі на перавод грашовых сродкаў больш чым у 40 штатах ЗША для сваёй даччынай кампаніі X Payments.
Чакаецца, што на момант запуску X Money будзе даступны не ва ўсіх штатах ЗША. Пакуль невядома, ці будзе X Money даступны ў іншых краінах і ці з’явяцца іншыя партнёры па плацяжах. Дакладная дата запуску ў ЗША таксама не абвешчаная. На думку некаторых экспертаў, імкненне X стаць «суперпраграмай» можа прывесці да канфлікту з іншымі тэхналагічнымі гігантамі, якія таксама спрабуюць пашырыць функцыянальнасць сваіх платформаў.
Читать на dev.by