Y Combinator скарачае 20% каманды і інвестыцыі ў стартапы

У сувязі з гэтым інкубатару стануць больш не патрэбныя 17 супрацоўнікаў. Як адзначае TechCrunch, гэта прыкладна 20% каманды.

Y Combinator падкрэсліў, што традыцыйна спецыялізаваўся на інвестыцыях у кампаніі на ранняй стадыі развіцця. Але апошнімі гадамі таксама ўкладваўся ў кампаніі на позніх стадыях, якія маюць іншую спецыфіку і сталі адцягваць Y Combinator ад ключавой місіі.

Выданню ў Y Combinator сказалі, што змяненне стратэгіі не звязанае з нядаўнім крахам Silicon Valley Bank і прапрацоўвалася задоўга да гэтых падзей. Банкруцтва SVB закранула больш за 30% стартапаў акселератара.

Некалі гэты банк абслугоўваў больш за палову амерыканскіх стартапаў з венчурнымі інвестыцыямі. На выходных Гары Тан склаў зварот да амерыканскіх уладаў з просьбай умяшацца ў сітуацыю з SVB, паколькі яна паставіла пад пагрозу існаванне тысяч стартапаў і сотні тысяч працоўных месцаў у іх. Петыцыю падпісала больш за 5 тысяч СЕО і фаўндараў.