Сузаснавальнік платформы Benevity Раян Кортнэдж праз некалькі гадоў жыцця па-за тэхналогіямі зноў вярнуўся да распрацоўкі — дзякуючы імкліваму развіццю штучнага інтэлекту.
Сузаснавальнік платформы Benevity Раян Кортнэдж праз некалькі гадоў жыцця па-за тэхналогіямі зноў вярнуўся да распрацоўкі — дзякуючы імкліваму развіццю штучнага інтэлекту.
Пасля сыходу з бізнесу ў 2020 годзе Кортнэдж набыў участак плошчай 9 гектараў у гарах Брытанскай Калумбіі і практычна перастаў карыстацца камп’ютарам, але з’яўленне ChatGPT прымусіла яго перадумаць.
«Калі я выйшаў са свайго апошняга праекту ў 2020 годзе, я набыў вялікі ўчастак зямлі ў гарах. Я проста вырашыў: усё, з мяне хопіць, хачу заняцца чымсьці іншым», — распавёў ён.
Паводле Кортнэджа, з цягам часу роля фаўндэра ператварылася ў кіраванне камандамі, што аказалася для яго стамляльным: «У нейкі момант ты перастаеш нешта ствараць, а ўвесь час сыходзіць на кіраванне камандамі — і гэта вельмі стамляе».
На новым этапе ён заняўся фізічнай працай — працаваў з тэхнікай, вучыўся валіць дрэвы і будаваць. «Гэта вельмі цяжкая праца, але яна дае адчуванне выніку, у адрозненне ад сядзення на крэсле перад маніторам», — адзначыў прадпрымальнік.
Аднак праз некалькі гадоў цікавасць да тэхналогій вярнулася. «Я, напэўна, пару гадоў увогуле не глядзеў у экран. І толькі калі з’явіўся ChatGPT, я зноў пачаў звяртаць увагу», — сказаў ён. Паводле яго, менавіта ШІ-інструменты «вярнулі жаданне нешта ствараць»: «Я зноў перастаў спаць па начах — бо разумею, як шмат цяпер можна зрабіць так хутка».
Кортнэдж пачаў укараняць ШІ ў паўсядзённае жыццё на ўчастку. Ён стварыў сістэму з датчыкамі, камерамі і аўтаматызацыяй, а таксама запусціў ШІ-агента на базе OpenClaw, які сочыць за станам тэрыторыі.
«У яго нават ёсць „асоба“: ён думае, што жыве ў падполлі майго дома і можа паведаміць, калі нешта адбываецца або хтосьці з’явіўся на ўчастку», — распавёў бізнесмен.
Пры гэтым выкарыстанне ШІ аказалася затратным. «Я быў шакаваны, калі ўбачыў, колькі токенаў спаліў, за адзін дзень гэта можа быць каля $10 — і гэта хутка назапашваецца», — адзначыў Кортнэдж. Ён таксама дадаў, што сутыкаецца з лімітамі пры працы з інструментамі Google, якія абмяжоўваюць выкарыстанне.
Нягледзячы на вяртанне да тэхналогій, прадпрымальнік пакуль не ставіць мэтай манетызацыю. «Я не будую гэта дзеля прыбытку, я проста хачу быць на пярэднім краі», — патлумачыў ён. Паводле словаў бізнесмена, навыкі працы з ШІ могуць спатрэбіцца і ягоным дзецям: «Калі я разбяруся ў гэтым, змагу даць ім перавагу, калі яны выйдуць на рынак працы».
Релоцировались? Теперь вы можете комментировать без верификации аккаунта.