«Яндэкс» дадаў у «Алісу» нейрасетку YandexGPT

Цяпер «Аліса» можа генераваць тэксты і прапаноўваць свае ідэі. Функцыя даступная ў праграме Яндэкс, Браўзеры, на Станцыях і ў разумных тэлевізарах, якія падтрымліваюць асістэнтку. Карыстальнік мае сказаць «Аліса, давай прыдумаем!» і прапанаваць ёй інструкцыі. Віртуальная асістэнтка можа скласці сцэнар, напісаць ліст, распрацаваць які-небудзь план і да т. п.

Цяпер робат не ўмее запамінаць гісторыю дыялогу, таму не падтрымлівае гутаркі. Тэхналогія знаходзіцца на стадыі тэсціравання. Часам асістэнтка можа дапускаць памылкі ў фактах. У прэс-службе кампаніі растлумачылі, што, у адрозненне ад папярэдніх моўных мадэляў, YandexGPT была дадаткова навучаная на сотнях тысяч узорах кантэнту і складзеных адказаў. Для збору і падрыхтоўкі такіх узораў «Яндэкс» выкарыстаў свае тэхналогіі краўдсорсінгу і каманду AI-трэнераў.