Yandex N.V. плануе перазапуск пад новым брэндам на пачатку 2024 года
Нідэрландская Yandex N.V. (холдынгавая кампанія «Яндэкса») пачала публікаваць у LinkedIn вакансіі, з якіх вынікае, што міжнародны бізнэс структуры плануецца перазапусціць пад новай назвай. Гэта мае адбыцца на пачатку 2024 года, піша «Камерсант».
«У рамках бягучага пераходнага працэсу, вядомага як Project LEFT, мы ствараем новую кампанію, якая мае намер стаць вядучым гульцом на рынку тэхналогій у Еўропе і на Блізкім Усходзе», — гаворыцца ў апісанні вакансіі спецыяліста па дакументазвароце. Project LEFT — гэта рабочая назва самога праекта карпаратыўнай рэструктурызацыі.
Пытанне падзелу бізнэсу «Яндэкса» на міжнародны і расійскі плануецца вынесці на разгляд акцыянераў на працягу 2023 года. Па выніках рэструктурызацыі расійскі бізнэс перададуць у «кіраванне менеджменту», а Yandex N.V. выйдзе з ліку ўладальнікаў бізнэсу ў Расіі.
«Яндэкс» паказаў планы па змене структуры кіравання кампаніі ў лістападзе 2022 года. Паводле даных Bloomberg, цікавасць да куплі 51% «Яндэкса» праявілі заснавальнік ЛУКОЙЛа Вагіт Алякпераў і ўладальнік «Інтэрроса» Уладзімір Патанін. Таксама зацікаўлены ў куплі долі кампаніі ВТБ.
Читать на dev.by