Карыстальніца TikTok папрасіла сацсетку даць парады перад першым днём у карпараце — і атрымала тысячы каментарыяў, якія складваюцца ў сумную карціну. Партал Fast Company разгледзеў, як пакаленне ўспрымае офіс.
Карыстальніца TikTok папрасіла сацсетку даць парады перад першым днём у карпараце — і атрымала тысячы каментарыяў, якія складваюцца ў сумную карціну. Партал Fast Company разгледзеў, як пакаленне ўспрымае офіс.
Калі меркаваць па TikTok, то кожны дзень у офісе — гэта сапраўдная вайна.
«Заўтра мой самы першы дзень на офіснай працы з 9 да 5, раскажыце, да чаго наогул рыхтавацца», — з такім заклікам звярнулася дзяўчына да сеткі. Ролік набраў 2,4 млн праглядаў.
Карыстальнікі параілі заўсёды браць з сабой кофту або світар, таму што ў офісах заўсёды дубак, як бы ні пякло на вуліцы. Раілі адразу наводзіць парадак у пошце, усё раскладваць па папках і нічога не выдаляць.
Некаторыя выйшлі за межы бытавых парадаў да таго, як офісны лад жыцця б’е па здароўі. Людзі адзначалі, што лішняя вага падкрадваецца незаўважна, бо падтрымліваць актыўнасць на сядзячай працы цяжка, а пераесці — прасцей простага. «Рабі прысяданні кожны раз, калі ідзеш у прыбіральню, каб не адсядзець зад», — параіў адзін з каментатараў.
Аднак вельмі шмат адказаў было пра тое, што офіс — гэта ізаляваны свет, дзе няма месца даверу і нармальным чалавечым адносінам.
«Нікому не давярай, усё дакументуй. Яны табе не сябры», — папярэдзіў адзін з карыстальнікаў. «Ніколі не заводзь сяброў сярод калегаў і тым больш ні з кім не сустракайся», — напісаў іншы.
Праблемы з даверам усплываюць і ў адносінах паміж пакаленнямі: «Рыхтуйся да таго, што ты без усякай прычыны стане ворагам нумар адзін для старэйшай калегі», — лічыць адзін з карыстальнікаў. Такога ж меркавання прытрымліваецца яшчэ адзін: «Будзь гатова, што цябе зненавідзіць злая бабка, якой ты нічога не зрабіла».
Таксічная атмасфера губіць не толькі адносіны, але і матывацыю супрацоўнікаў, якія адчуваюць сябе нябачнымі і непатрэбнымі.
«Выдавай 20% сваіх магчымасцяў, інакш яны прывыкнуць да тваіх 100% і будуць успрымаць як належнае», — раяць у адным каментары. «Ніколі, чуеш, ніколі не выкладвайся на поўную. Табе не падзякуюць, а дакінуць яшчэ больш працы», — адзначылі ў іншым.
Гэтыя каментары цалкам адлюстроўваюць сухую статыстыку. Паводле даклада Workday, прыкладна ў 32% супрацоўнікаў пакалення Z ў офісе няма ніводнага старэйшага калегі, якому яны маглі б давяраць. Ізаляцыя моцна б’е па псіхічным здароўі: 20% зумераў хаця б аднойчы бралі адгул менавіта праз пачуццё адзіноты на працы.
У выніку каментары пад відэа ператварыліся ў своеасаблівы сеанс групавой тэрапіі, дзе людзі дзяліліся болем ад адаптацыі да офіснага рэжыму.
«Ты, хутчэй за ўсё, будзеш плакаць пасля працы», — прызналася адна з дзяўчат, параўнаўшы сябе ў офісе з феяй з Пітэра Пэна, зачыненай у слоіку. Каментар выклікаў цэлую хвалю спачування: «Якое дакладнае апісанне! Я вось параўноўваю сябе з падопытным пацукой», — адказала ёй іншая карыстальніца, скардзячыся на флуарэсцэнтныя лямпы. «Тое ж самае. Я пасля першага дня спытала ў мамы, ці не скончылася маё жыццё», — напісала трэцяя.
Рэлацыраваліся? Цяпер вы можаце каментаваць без верыфікацыі акаўнта.
Самое забавное, что половина советов из тиктока про офис написана людьми, которые сами никогда в нормальном офисе не работали и теперь несут пургу с умным лицом