Youtube хоча плаціць кампенсацыю праваўладальнікам за выкарыстанне музыкі АІ

Праграму падтрымлівае Universal Music Group (UMG), якая валодае правамі на мноства музычных твораў. Раней кампанія папрасіла патокавыя сэрвісы забараніць выкарыстоўваць яе музыку для навучання мадэляў АІ. Таксама UMG папярэджвала пра парушэнне аўтарскіх правоў блогераў, якія выкарыстоўвалі АІ і працы яе артыстаў.

На думку юрыстаў UMG, музычныя творы, створаныя людзьмі і абароненыя аўтарскімі правамі, выкарыстоўваюцца для навучання мадэляў AI. Затым яны генеруюць творы без належнага дазволу і кампенсацыі. UMG падтрымлівае Youtube, каб распрацаваць механізм, які забяспечыць выплату ўзнагароджання праваўладальнікам.

Youtube прапанаваў свой вопыт для стварэння працоўнага механізму. Напрыклад, сістэма Content ID, якая забяспечвае аплату праваўладальнікам за выкарыстанне іх кантэнту на платформе. Такая сістэма можа прымяняцца і для АІ-музыкі наогул або хаця б для тых «музычных партнёраў, якія вырашаць удзельнічаць».

У апублікаваным наборы прынцыпаў пералічаныя рэкамендацыі па выкарыстанні АІ ў музычнай індустрыі. Дакумент прадугледжвае адказнае стаўленне платформы і яе партнёраў да АІ, меры абароны кантэнту для яго аўтарам і стварэнне палітыкі бяспекі.