Youtube знізіў патрабаванні для падключэння манетызацыі

Цяпер для ўваходжання ў праграму дастаткова мець 500 падпісчыкаў замест 1000. Таксама зніжаныя патрабаванні колькасці праглядаў: 3000 гадзін за апошні год замест 4000 альбо 3 мільёны праглядаў Shorts за апошнія 90 дзён замест 10 мільёнаў. Акрамя таго, неабходна зрабіць 3 запампоўкі відэа на працягу 90 дзён.

Аўтары, якія пераадолелі бар’ер уваходжання, могуць падаць заяўку на ўдзел у YPP і атрымаць доступ да інструментаў «Дзякуй», «Суперчат» і «Суперстыкеры», а таксама да інструментаў падпіскі: сяброўства ў каналах, магчымасць прасоўваць уласныя тавары з дапамогай партнёрскай праграмы «Пакупкі».

Новыя крытэры будуць рэалізаваныя ў ЗША, Вялікабрытаніі, Канадзе, на Тайвані і ў Паўднёвай Карэі. Пазней дзеянне новых патрабаванняў распаўсюдзіцца на астатнія краіны, дзе дзейнічае YPP. Раней Youtube змяніў правілы, якія забараняюць выкарыстанне ненарматыўнай лексікі на пачатку відэа. Цяпер ненарматыўную лексіку дазволена выкарыстоўваць на працягу першых сямі секунд і ў музыцы.