YouTube зноў тэсціруе таннейшую падпіску Premium Lite, але цяпер з рэкламай

Тэсціраванне новай версіі падпіскі праходзіць у Аўстраліі, Германіі і Тайландзе. Паводле даных The Verge, кошт падпіскі Premium Lite ў Аўстраліі складае 8,99 AUD (каля $5,6) на месяц пры афармленні праз сайт, што прыкладна ў два разы танней за поўную падпіску YouTube Premium, якая каштуе 16,99 AUD (каля $10,8). На IOS падпіска Premium Lite каштуе 11,99 AUD (каля $7,5), а Premium — $22,99 AUD (каля $14,5).

Автор публикации @jonahmanzano

Посмотреть в Threads

У адрозненне ад папярэдняй версіі Premium Lite, у якой адсутнічала рэклама на YouTube і YouTube Kids, новая версія ўключае абмежаваную колькасць рэкламы. У зносцы YouTube паказвае, што рэклама можа з’яўляцца ў музычным кантэнце і ў кароткіх роліках Shorts, таксама карыстальнікі могуць убачыць «бесперапынную рэкламу пры пошуку і праглядзе». Новая версія не дае доступу без рэкламы да YouTube Music, не дазваляе загружаць відэа для афлайн-прагляду і не падтрымлівае фонавага прайгравання.