Youtube пагражае блакаваннем прагляду за выкарыстанне блакіроўшчыкаў рэкламы

Паводле даных The Verge, карыстальнікі сэрвісу скардзяцца, што яны сталі атрымліваць паведамленні ў акне плэера. У папярэджанні сказана, што пасля запуску трох наступных відэа з блакаваннем рэкламы відэаплэер будзе адключаны. Прадстаўнік Youtube пацвердзіў, што цяпер платформа праводзіць «невялікі глабальны эксперымент, які заклікае карыстальнікаў адключыць блакіроўшчыкі рэкламы або аформіць падпіску на Youtube Premium».

У кампаніі ўдакладнілі, што ў выпадку ігнаравання просьбаў відэаплэер адключаць і праглядаць відэа не атрымаецца датуль, пакуль карыстальнік не адключыць блакіроўшчыка рэкламы або не падпішацца на Youtube Premium. У выпадках, калі гледачы палічаць, што яны былі ілжыва пазначаныя як тыя, хто выкарыстоўвае блакіроўшчык рэкламы, яны могуць паведаміць пра гэта, перайшоўшы па спасылцы ў ніжняй частцы акна блакавання», — заявілі ў Google.

Кампанія апраўдвае такія строгія меры тым, што рэкламныя інтэграцыі маюць вырашальнае значэнне для стваральнікаў кантэнту. Толькі з дапамогай рэкламнай мадэлі аўтары могуць манетызаваць відэа, а платформа застаецца бясплатнай, растлумачылі ў Youtube. Раней відэахостынг пачаў тэсціраваць да 10 рэкламных ролікаў у адным рэкламным блоку без магчымасці пропуску. Таксама на тэлевізарах з падтрымкай Youtube неўзабаве з’явяцца 30-секундныя рэкламныя ролікі.