25-гадовая Каміла Манаоіс працуе старшым спецыялістам па сацсетках у камунікацыйным агенцтве Carma Connected у Лас-Вегасе. Яна распавяла, як атрымала працу, адправіўшы рэзюмэ звычайнай афлайнавай поштай.
25-гадовая Каміла Манаоіс працуе старшым спецыялістам па сацсетках у камунікацыйным агенцтве Carma Connected у Лас-Вегасе. Яна распавяла, як атрымала працу, адправіўшы рэзюмэ звычайнай афлайнавай поштай.
Манаоіс вырашыла змяніць працу прыкладна праз тры гады пасля заканчэння каледжа — ёй падабалася ранейшая пасада менеджара маркетынгавых праектаў у архітэктурна-дызайнерскай фірме, але хацелася развівацца.
У траўні летась яна пачала актыўна шукаць працу: адгукалася праз LinkedIn, рэкрутынгавыя платформы і напрамую праз сайты кампаній. Яна адправіла адносна няшмат водгукаў — каля 60 за пяць месяцаў. Яны прывялі да 7 сумоўяў, але ніводнае не скончылася оферам.
Пачало здавацца, што ўсё занадта зацягнулася. Паводле яе, праблема магла быць у аўтаматычным ШІ-фільтры рэзюмэ: адмовы прыходзілі так хутка, што рэкрутары наўрад ці паспявалі паглядзець водгук. Да сярэдзіны верасня яна пачала адчайвацца і вырашыла як заўгодна дамагчыся, каб ейнае рэзюмэ ўбачыў жывы чалавек.
Яна ўзгадала парады бабулі — заўсёды пісаць удзячныя лісты за падарункі. Для яе ліст стаў спосабам прыцягнуць увагу: калі чалавеку прыходзіць канверт на яго імя, ён, хутчэй за ўсё, яго адкрые.
Манаоіс знайшла паштовыя адрасы офісаў і адправіла лісты з пазнакай для аддзела кадраў — усяго 6 канвертаў. Унутры былі суправаджальны ліст, рэзюмэ, рэкамендацыйны ліст ад калегі і запіска: «Некаторыя саіскальнікі спадзяюцца на алгарытмы. Я ж аддаю перавагу больш надзейнаму шляху — вашаму працоўнаму сталу. Дзякуй, што знайшлі час прачытаць мае матэрыялы».
Адказалі не ўсе, але адно паведамленне прыйшло з кампаніі, якая займаецца стаўкамі на спорт. Супрацоўніца аддзела кадраў напісала ёй асабіста і сказала, што атрымаць сапраўдны ліст у рукі было «цудоўна».
На тую пасаду яны ўжо нікога не наймалі, але ёй так спадабалася вынаходлівасць Манаоіс, што яна перадала ейнае рэзюмэ ў агенцтва паверхам вышэй. Там якраз была вакансія, і ейная кандыдатура ім таксама спадабалася. Спачатку прайшло анлайн-сумоўе, затым вочнае, і да канца кастрычніка ёй прапанавалі працу спецыяліста ў працы з акаўнтамі ў сацсетках.
Релоцировались? Теперь вы можете комментировать без верификации аккаунта.