Параўналі медыянны заробак айцішнікаў у Беларусі, Польшчы, Грузіі і Літве (чэрвень 2023)

Паўдзельнічалі 1050 ІТ-спецыялістаў. 50% айцішнікаў працуюць у Беларусі. Амаль палова — распрацоўшчыкі. 43% спецыялістаў працуюць у аўтсорсе, траціна — у прадуктовых кампаніях. 25%+ рэспандэнтаў — супрацоўнікі буйных кампаній (1000+ чалавек).

Большасць рэспандэнтаў (амаль 39%) — удзельнікаў анкетавання — атрымліваюць заробак у доларах. 

33% атрымліваюць у беларускіх рублях, пры гэтым амаль ва ўсіх заробак прывязаны да курсу долара. Кожнаму пятаму спецыялісту выплачваюць заробак у злотых, каля 14% атрымліваюць заробак у еўра.

Сярод іншых валют, якія называлі рэспандэнты, фігуруюць расійскі рубель, грузінскі лары, казахстанскі тэнге і нават нацыянальная валюта ААЭ дырхам. 

Медыянны заробак

1000+ спецыялістаў падзяліліся інфармацыяй пра свой заробак за чэрвень гэтага года. Палічылі медыянны заробак удзельнікаў анкетавання, а таксама паглядзелі, хто атрымаў мінімальны і максімальны заробкі.

• Медыянны заробак да выліку падаткаў і сацыяльных унёскаў — 2950 долараў.
• Медыянны заробак пасля выплаты падаткаў і сацыяльных унёскаў — 2400 долараў.
• Мінімальны пазначаны заробак нета — 150 долараў (hr-фрылансер, джун, працуе ў Беларусі).
• Максімальны пазначаны заробак нета — 20+К долараў (ІП, сеньёр, Business Development Manager, працуе ў Польшчы на кампанію з беларускімі каранямі).

Медыянны заробак у беларускіх/замежных офісах і кампаніях

Параўналі медыянныя заробкі ў беларускіх і замежных офісах, а таксама ў офісах замежных кампаній (без беларускіх каранёў).

У спецыялістаў беларускіх офісаў медыянны заробак за чэрвень да выліку падаткаў і сацыяльных унёскаў склаў 2000 долараў, заробак нета — 1840 долараў. 

У замежных офісах кампаній з беларускімі каранямі медыянныя заробкі за чэрвень выявіліся на 45%+ вышэйшымі: заробак брута — 3600 долараў, заробак нета — 2700 долараў. 

А самы вялікі медыянны заробак у чэрвені — у супрацоўнікаў замежных кампаній: 4250 долараў (брута) і 3440 долараў (нета). 

Медыянны заробак у залежнасці ад узроўню

Палічылі медыянны заробак рэспандэнтаў у залежнасці ад узроўню і месца працы. 

Медыянны заробак лідоў, якія працуюць у замежным офісе беларускіх кампаній, выявіўся на 1000-1500 долараў вышэйшым, ніж у калег з беларускіх офісаў. Сярод сеньёраў розніца крыху меншая — 600-1000+ долараў. 

Яшчэ большы разрыў паміж медыяннымі заробкамі супрацоўнікаў беларускіх офісаў і замежных кампаній без беларускіх каранёў.

Напрыклад, у лідоў розніца 3000+ долараў, у сеньёраў — 1250-1900 долараў. У мідлоў і джуноў, якія працуюць у беларускіх офісах і замежных кампаніях, разрыў у заробках склаў ад 450 да 1500 долараў. 

Медыянны заробак у РБ і папулярных рэлакейт-лакацыях

Беларусь чакана выявілася аўтсайдарам па ўзроўні медыяннага заробку на фоне самых папулярных краін для рэлакацыі беларускіх айцішнікаў. 

За чэрвень медыянны заробак рэспандэнтаў, якія працуюць у Беларусі, не перавысіў 2200 долараў (брута — 2130 долараў, нета — 1950 долараў). 

Для параўнання: у спецыялістаў, якія працуюць у Польшчы, медыянны заробак брута склаў 3750 долараў (+76%), нета — 3000 долараў (+53%). У ІТ-спецыялістаў, якія працуюць у Літве, медыянны заробак брута склаў 4300 долараў, нета — 2700 долараў. 

Бліжэй за ўсіх да Беларусі па ўзроўні медыяннага заробку выявілася Грузія: брута — 2500 долараў, нета — 2277 долараў.

Медыянны заробак для розных пазіцый

Па выніках анкетавання самай вялікай групай рэспандэнтаў па колькасці выявіліся распрацоўшчыкі. 

Вось які медыянны заробак у распрацоўшчыкаў у Беларусі і самых папулярных лакацыях.

dev.by, як і іншым сумленным медыя, сёння вельмі складана: рэдакцыя працуе па-за межамі краіны, а нашыя рэкламныя даходы скараціліся ў некалькі разоў. Але мы даем рады — з вашай дапамогай. Гэта вы дзеліцеся з намі інфанагодамі, думкамі, досведам, часам і ўвагай. А 210 чытачоў падтрымліваюць нас данатамі.

У 2023 годзе мы хочам сабраць 1000 чытачоў-падпісчыкаў. 

Дапамагчы нам можна праз Patreon. 

З Беларусі — праз Donorbox.

І яшчэ крыптой, тут гаманцы.

Дзякуй, што прачыталі гэтае паведамленне.