Заробкі ІТ-спецыялістаў у Расіі перайшлі ад імклівага росту да рэзкага падзення

Цягам мінімум апошніх двух гадоў заробкі расійскіх айцішнікаў стабільна раслі. Гэтаму спрыяў недахоп кадраў у галіне, якая пачала фарміравацца яшчэ ў пандэмію ў 2020 годзе, а ў лютым 2021-га дэфіцыт складаў ужо каля 1 млн чалавек. Вясной 2022 года пачаўся адток ІТ-спецыялістаў за мяжу, гэтай вясной яны сталі актыўна атрымліваць ДНЖ у Еўропе.

Больш за ўсё айцішнікам плацяць у Маскве — у сярэднім 200 тысяч RUB на месяц. На другім месцы Санкт-Пецярбург — 165 тысяч RUB, а ў правінцыі сярэдні заробак ІТ-спецыялістаў складае 135 тысяч RUB. Топ-3 кампаній з самымі высокімі сярэднімі заробкамі — «Авіта», Райффайзенбанк і холдынг Т1.

Пры гэтым аналітыкі адзначаюць, што заробкі выраслі на тыя ж 8% у параўнанні з другой паловай 2023 года. Гэта тлумачыцца тым, што тады было зафіксаванае іх зніжэнне на 15%.

Прычына падзення сярэдніх заробкаў можа быць звязаная з паслабленнем кадравага голаду ў галіне, а таксама з тым, што прэміі ў ІТ-сферы на пачатку 2024 года сталі меншымі і радзейшымі. Паводле даных «Хабр Кар’еры», з другога паўгоддзя сітуацыя з выплатамі прэмій айцішнікам палепшылася, але да ўзроўню 2023 года ўсё яшчэ далёка.

У Мінлічбы Расіі сцвярджаюць, што мясцовыя айцішнікі сталі атрымліваць больш. Там выданню сказалі, што ад студзеня да красавіка іх сярэдні заробак вырас на 21% да 188 тысяч RUB. У ведамстве асобна дадалі, што даходы расійскіх айцішнікаў вельмі высокія — удвая вышэйшыя за сярэдні па краіне.

Паводле статыстыкі джабборда HeadHunter, памер заробкаў, пазначаных у вакансіях па выніках першай паловы 2024 года, вырас на 16% год да года. Але пашанцавала не ўсім: калі DevOps-інжынеры цяпер атрымліваюць на 24% больш, а дата-саентысты — на 20%, то зарплаты прадуктовых аналітыкаў упалі на 6%.

Гульцы ІТ-галіны, у прыватнасці — Т1, прызнаюць, што рост заробкаў як мінімум запаволіўся. Пры гэтым у VK і «Яндэксе» выданню паведамілі, што не зніжалі заробкаў супрацоўнікам. У «Яндэксе» падкрэслілі, што прэмій таксама не скарачалі.