Галасавы памочнік Alexa калісьці быў праектам Amazon, які развіваўся хутчэй за ўсё. Падраздзяленне, куды асістэнт уваходзіць разам з шэрагам іншых распрацовак кампаніі, сёлета прынясе ёй $10 млрд страт, даведаўся Insider.
Галасавы памочнік Alexa калісьці быў праектам Amazon, які развіваўся хутчэй за ўсё. Падраздзяленне, куды асістэнт уваходзіць разам з шэрагам іншых распрацовак кампаніі, сёлета прынясе ёй $10 млрд страт, даведаўся Insider.
За першы квартал года аперацыйныя страты групы Worldwide Digital, куды ўваходзяць Alexa, смарт-калонкі Echo і стрымінгавы сэрвіс Prime Video, склалі $3 млрд. Больш за ўсё грошай «з’ела» Alexa і астатнія прылады.
Ідэя распрацоўкі Alexa належала фаўндару Amazon Джэфу Безасу, і ён прымаў актыўны ўдзел у стварэнні і прасоўванні праекта. Запуск адбыўся ў 2014 годзе.
Спачатку мільярдэр бываў незадаволены някемлівасцю асістэнта — аднойчы падчас тэставання ён прапанаваў Alexa «стрэліць сабе ў галаву» ад расчаравання. Каментар пазней пачулі распрацоўшчыкі, калі аналізавалі ўзаемадзеянні з асістэнтам — тады яны падумалі, што праект закрыюць. Сотні іншых супрацоўнікаў Amazon, якія выпрабоўвалі памочніка, таксама крытыкавалі якасць яго адказаў. Акрамя таго, асістэнт мае праблемы з прыватнасцю і бяспекай. Цяпер Alexa займае трэцяе месца па папулярнасці сярод галасавых асістэнтаў у ЗША, саступаючы Google Assistant і Siri ад Apple.
У 2018 годзе Alexa і Echo прынеслі Amazon страт амаль на $5 млрд. У тым годзе над гэтымі прадуктамі працавалі 10 тысяч супрацоўнікаў. Пры канцы 2019-га найманне ў падраздзяленне прыпынілі, а пры канцы 2020-га Безас больш не цікавіўся гэтымі распрацоўкамі.
Супрацоўнікі, якія займаліся Alexa, называюць праект «каласальным правалам» і «страчанай магчымасцю».
У гэтым месяцы Amazon правяла раўнд звальненняў. Як мяркуецца, мацней за ўсё яны закранулі менавіта каманду, якая працуе над Alexa.
Рэлацыраваліся? Цяпер вы можаце каментаваць без верыфікацыі акаўнта.
Ну вот, просили она и застрелилась.