Днямі Amazon афіцыйна пацвердзіла, што ў кампаніі пачаліся масавыя звальненні. Паводле інфармацыі Wall Street Journal, найбліжэйшымі тыднямі працу могуць страціць 10 тысяч чалавек — гэта 3% яе штату. Ва ўчорашнім лісце да супрацоўнікаў гендырэктар тэхнагіганта Эндзі Джэсі заявіў, што на гэтым не ўсё.
Днямі Amazon афіцыйна пацвердзіла, што ў кампаніі пачаліся масавыя звальненні. Паводле інфармацыі Wall Street Journal, найбліжэйшымі тыднямі працу могуць страціць 10 тысяч чалавек — гэта 3% яе штату. Ва ўчорашнім лісце да супрацоўнікаў гендырэктар тэхнагіганта Эндзі Джэсі заявіў, што на гэтым не ўсё.
Amazon працягне скарачаць налета. Паводле слоў Джэсі, гэтае рашэнне было найскладанейшым для яго і менеджменту за ўвесь перыяд на пасадзе, на якой ён змяніў заснавальніка Amazon Джэфа Безаса паўтара года таму.
«Я і ўсё кіраўніцтва, якое прымае гэтыя рашэнні, разумеем, што мы не проста ліквідуем асобныя пасады — гаворка вядзецца пра людзей са сваімі пачуццямі, памкненнямі і забавязаннямі», — адзначыў Джэсі. Ён дадаў, што кампанія падтрымае ўсіх, каго закрануць звальненні, і дапаможа знайсці іншую працу ў Amazon. Пры гэтым на пачатку лістапада яна прыпыніла найманне на карпаратыўныя пасады.
Рашэнне пра тое, якія пасады будуць больш не патрэбныя, давядуць да падраздзяленняў і супрацоўнікаў у 2023 годзе. Колькіх людзей закрануць далейшыя звальненні, Джэсі не ўдакладніў.
Рэлацыраваліся? Цяпер вы можаце каментаваць без верыфікацыі акаўнта.