Завышаныя заробкавыя запыты расійскіх айцішнікаў сталі галоўнай прычынай адмовы працадаўцаў
Суіскальнікі ў расійскай ІТ-сферы за год паднялі свой чаканы заробак у сярэднім на 18% — да 85,5 тысяч RUB ($945). Пры гэтым, паводле ліпеньскага агляду мясцовай ІТ-галіны ад hh.ru, звыш 80% апытаных працадаўцаў адмаўляюць суіскальнікам у айці менавіта праз завышаныя чаканні, піша ТАСС.
Агляд ахоплівае першае паўгоддзе 2023 года і ўключае статыстыку за мінулы год. Аналітыкі назвалі гадавое павышэнне запытаў у ІТ-суіскальнікаў планамерным. Так, чаканні расійцаў, якія шукаюць працу ў ІТ, выраслі на 20% да 120 тысяч RUB у Маскве і на 14% да 80 тысяч RUB у Санкт-Пецярбургу. А прапанаваны даход за год у гэтых гарадах нават знізіўся — на 7% і на 11% адпаведна.
«Між тым працадаўцы падчас апытання hh.ru адзначалі, што асноўная прычына, чаму яны адмаўляюць у працаўладкаванні патэнцыйным ІТ-суіскальнікам — гэта завышаныя заробкавыя чаканні. Пра гэта заявілі адразу 82% апытаных кампаній», — вынікае са справаздачы.
Читать на dev.by