Алеся Чапкевич world 21 кастрычніка 2026, 18:38

Генератыўны ШІ ў адкрытым кодзе: праграмісты трацяць удвая менш часу, але цяпер чвэрць кода — ШІ-слоп

Новае даследаванне Linux Foundation выявіла два бакі ўкаранення ШІ ў оўпэнсорс. З аднаго боку, нейрасеткі прыскорылі напісанне кода ўдвая, а з другога — стварылі велізарную нагрузку на мэйнтэйнераў, засыпаўшы іх патокам нізкаякасных правак, піша Neowin.

Пакінуць каментарый

Генератыўны ШІ ў адкрытым кодзе: праграмісты трацяць удвая менш часу, але цяпер чвэрць кода — ШІ-слоп

Новае даследаванне Linux Foundation выявіла два бакі ўкаранення ШІ ў оўпэнсорс. З аднаго боку, нейрасеткі прыскорылі напісанне кода ўдвая, а з другога — стварылі велізарную нагрузку на мэйнтэйнераў, засыпаўшы іх патокам нізкаякасных правак, піша Neowin.

З ростам актыўнасці распрацоўшчыкаў сутыкнуліся 59% інжынераў, якія падтрымліваюць праекты, а ў буйных рэпазіторыях гэтая лічба дасягае 69%. Пры гэтым кожны чацвёрты ўваходны пул-рэквест (25%) мэйнтэйнеры апісваюць як нізкапробнае ШІ-смецце. У маштабных праектах доля такога смецця дасягае ўжо 31%.

Паскарэнне ёсць, але не ўсюды

ШІ-гіганты не хлусяць, калі абяцаюць рост прадуктыўнасці: удзельнікі апытання пацвердзілі, што абмеркаванне архітэктуры і напісанне кода з нейрасеткамі ідзе значна хутчэй. Але на складаных і нетрывіяльных задачах магія ламаецца — 21% распрацоўшчыкаў прызналіся, што з ШІ ў іх сыходзіць нават больш часу, чым без яго.

Зэканомленыя гадзіны праграмісты траціць з карысцю для супольнасці: 66% закрываюць назапашаны тэхнічны доўг, 63% распрацоўваюць новыя фічы, 58% выкарыстоўваюць вызвалены час на вучобу і прапампоўку навыкаў.

Пры гэтым 61% аўтараў сумленна вычытваюць і паўнавартасна тэстуюць згенераваны нейрасеткай код перад адпраўкай.

Анархія ў правілах і шляхі вырашэння

Галоўная праблема цяпер — адсутнасць зразумелых рэгламентаў. Толькі ў 35% адкрытых праектаў ёсць афіцыйныя правілы, якія дазваляюць выкарыстоўваць ШІ. Прыкладна ў такой жа колькасці (32%) правіл няма і не плануецца.

У Linux Foundation падкрэсліваюць, што ацэньваць уплыў ШІ трэба не толькі ў хуткасці працы, але і ў здароўі самой супольнасці. Аўтары справаздачы раяць праектам тэрмінова прапісаць дакладныя рэгламенты, патрабаваць абавязковага тэставання ШІ-кода перад адпраўкай і ўводзіць патрабаванні раскрыцця таго, як менавіта і дзе прымяняліся нейрасеткі.