КДК атрымаў на «гарачую» лінію і ў чат-бота больш за 120 зваротаў наконт зараднай інфраструктуры для электрамабіляў. Больш за палову датычылі недахопу электразарадных станцый у абласных і раённых цэнтрах, уздоўж трас рэспубліканскага значэння і турыстычных маршрутаў. Тую ж праблему выявіла апытанне, якое ведамства праводзіла ў Telegram: 48% рэспандэнтаў паказалі на дэфіцыт ЭЗС.
КДК атрымаў на «гарачую» лінію і ў чат-бота больш за 120 зваротаў наконт зараднай інфраструктуры для электрамабіляў. Больш за палову датычылі недахопу электразарадных станцый у абласных і раённых цэнтрах, уздоўж трас рэспубліканскага значэння і турыстычных маршрутаў. Тую ж праблему выявіла апытанне, якое ведамства праводзіла ў Telegram: 48% рэспандэнтаў паказалі на дэфіцыт ЭЗС.
Трэць тых, хто звярнуўся на «гарачую» лінію, скардзіліся на няякасныя паслугі па зарадцы электрамабіляў. У прыватнасці, на непрацуючыя станцыі, пры гэтым некаторыя не функцыянуюць доўга — месяц і больш. Ёсць прэтэнзіі да недастатковага функцыяналу дадаткаў, антысанітарыі на паркоўках для зарадкі.
Некалькі зваротаў былі звязаныя з устаноўкай магутных зарадных станцый у дварах жылых дамоў. Яны ствараюць вялікія нязручнасці для жыхароў спальных раёнаў: шум, святло фар, пастаянны паток транспарту, бруд і не толькі. Як варыянт, у КДК прапануюць усталёўваць у спальніках толькі павольныя станцыі, якія не шумяць і не генеруюць пастаянны трафік.
На «гарачую» лінію патэлефанавалі і кампаніі, якія ўсталёўваюць ЭЗС. Сказалі, што працэс узгаднення і атрымання дазволаў для новых аб’ектаў доўгі і непразрысты.
КДК збіраецца разаслаць свае знаходкі зацікаўленым ведамствам і арганізацыям, каб яны адрэагавалі.
Рэлацыраваліся? Цяпер вы можаце каментаваць без верыфікацыі акаўнта.