Яшчэ больш ШІ, яшчэ больш сораму: на беларускіх дарогах могуць з'явіцца новыя табло з кіроўцамі-парушальнікамі
У сярэдзіне красавіка на трасе Р-53 (Слабада-Навасады) усталявалі эксперыментальную ШІ-сістэму, якая ў рэальным часе выводзіць парушэнні праязджаючых аўто на экран над праезнай часткай.
У верасні начальнік Галоўнага ўпраўлення ДАІ Віктар Ротчанкаў казаў, што яна істотна палепшыла дысцыпліну на пілотным участку. А нядаўна заявіў, што такіх інфармацыйных табло на беларускіх дарогах можа з’явіцца больш.
У сярэдзіне красавіка на трасе Р-53 (Слабада-Навасады) усталявалі эксперыментальную ШІ-сістэму, якая ў рэальным часе выводзіць парушэнні праязджаючых аўто на экран над праезнай часткай.
У верасні начальнік Галоўнага ўпраўлення ДАІ Віктар Ротчанкаў казаў, што яна істотна палепшыла дысцыпліну на пілотным участку. А нядаўна заявіў, што такіх інфармацыйных табло на беларускіх дарогах можа з’явіцца больш.
Сістэма працуе так: камера фіксуе парушэнне (перавышэнне хуткасці, адсутнасць тэхагляду, размову праз тэлефон або непрышпілены рамень), а праз 5 км нумар аўто высвечваецца на экране.
Паводле Ротчанкава, новы від прафілактыкі ўсё яшчэ знаходзіцца на этапе тэставання, аднак ДАІ зафіксавала тут «кратнае скарачэнне» згаданых правапарушэнняў.
«Табло ганьбы» выклікалі бурныя абмеркаванні ў сацсетках і пытанні з боку праваабаронцаў. Але Ротчанкаў адзначыў, што каментарыі былі розныя, а нехта «прапаноўваў там ледзь не фатаграфію кіроўцы размяшчаць». Але нават звычайная публікацыя нумара прымусіла кіроўцаў лепш выконваць правілы дарожнага руху, падкрэсліў ён.
На пытанне аб маштабаванні Ротчанкаў адказаў, што ў ДАІ хочуць падвесці вынікі сваіх назіранняў за гэты год. «Калі нейкі ўчастак вулічна-дарожнай сеткі пачне ў нас сведчыць пра тое, што запатрабуе такую ж увагу, я думаю, такі комплекс мы яшчэ ў некаторых месцах размесцім, дзе гэта сапраўды паўплывае на бяспеку дарожнага руху», — папярэдзіў ён.
Релоцировались? Теперь вы можете комментировать без верификации аккаунта.