Алеся Чапкевич world 17 чэрвеня 2026, 17:50

Згадка «ШІ» ў рэкламе адштурхоўвае больш спажыўцоў, чым прыцягвае — даследаванне

Пакуль кампаніі змагаюцца за траплянне ў адказы ШІ-пошукавікаў, звычайныя карыстальнікі імкліва страчваюць давер да лічбавага асяроддзя. Свежая справаздача карпаратыўнай платформы WordPress VIP паказала, што павальнае захапленне брэндаў нейрасеткамі пачынае выклікаць у аўдыторыі раздражненне і скептыцызм, піша TechCrunch.

Пакінуць каментарый

Пакуль кампаніі змагаюцца за траплянне ў адказы ШІ-пошукавікаў, звычайныя карыстальнікі імкліва страчваюць давер да лічбавага асяроддзя. Свежая справаздача карпаратыўнай платформы WordPress VIP паказала, што павальнае захапленне брэндаў нейрасеткамі пачынае выклікаць у аўдыторыі раздражненне і скептыцызм, піша TechCrunch.

Паводле апытання, абрэвіятура «AI» у маркетынгавых паведамленнях брэндаў адштурхоўвае 60% амерыканскіх спажыўцоў. Абсалютная большасць (86%) не давяраюць адказам нейрасетак да канца і па-ранейшаму хочуць правераць інфармацыю ў першакрыніцах.

Больш за тое, 42% рэспандэнтаў заявілі, што ШІ-адказы без дакладнага ўказання спасылак на аўтараў выклікаюць у іх нават менш даверу, чым схаваныя зборы авіякампаній, заблытаныя палітыкі канфідэнцыяльнасці або рахункі за лячэнне. Амаль тры чвэрці апытаных адзначылі, што сёння інтэрнэт адчуваецца «менш чалавечым», чым 10 гадоў таму.

Галоўны выклік для медыя і брэндаў у 2026 годзе — неабходнасць балансаваць на мяжы. З аднаго боку, трафік з ШІ-пашукавікоў расце — пра рост пераходаў заявілі 60% кампаній. Калі сайт аптымізаваны дрэнна, ён проста знікне з выдачы. З другога — калі кантэнт страціць чалавечнасць, сыдуць карыстальнікі.

«Раней людзі стваралі вэб-сайты для іншых людзей. Цяпер вам даводзіцца будаваць сайты для ШІ-агентаў, якія дзейнічаюць ад імя гэтых людзей. Калі кантэнт вашага сайта нечытабільны для ШІ, вы нябачныя для растучай долі пошуку. Вас не існуе. Але калі ваш кантэнт не здаецца чалавечным і вартым даверу таму маленькаму адсотку людзей, якія ўсё ж клікаюць па спасылцы ШІ-адказу, яны больш не вернуцца», — адзначыў тэхдырэктар WordPress VIP Браян Алві.

Галоўным сігналам даверу для 33% карыстальнікаў застаецца магчымасць перайсці на арыгінальную крыніцу і ўбачыць імя аўтара. А 80% апытаных упэўненыя, што інфармацыя ў сетцы павінна заставацца адкрытай, а не кантралявацца некалькімі буйнымі ШІ-карпарацыямі.