22 траўня ў Беларусі запусціўся першы маркетплейс калектыўных інвестыцый у камерцыйную нерухомасць in-vest.by. Акцыі, выпушчаныя ў рамках праекта, былі дапушчаныя да абарачэння на Беларускай валютна-фондавай біржы, і цяпер інвестары могуць калектыўна ўкладвацца ў арэндную камерцыйную нерухомасць, піша myfin.by.
22 траўня ў Беларусі запусціўся першы маркетплейс калектыўных інвестыцый у камерцыйную нерухомасць in-vest.by. Акцыі, выпушчаныя ў рамках праекта, былі дапушчаныя да абарачэння на Беларускай валютна-фондавай біржы, і цяпер інвестары могуць калектыўна ўкладвацца ў арэндную камерцыйную нерухомасць, піша myfin.by.
Купля даходнага аб’екта патрабуе сур’ёзных укладанняў, часу на кіраванне і разумення спецыфікі рынку — ад працы з арандатарамі да тэхнічнага абслугоўвання памяшканняў. Магчымасць укладвацца не ў цэлы аб’ект, а ў долю гатовага арэнднага бізнесу і атрымліваць частку даходу ад арэнды зніжае парог уваходу і прыбірае з працэсу ўсе аперацыйныя задачы, звязаныя з валоданнем нерухомасцю.
У Беларусі падобных пляцовак да гэтага часу не існавала, і пры стварэнні маркетплейса вывучаліся замежныя рынкі.
in-vest.by змяшчае каталог даходнай камерцыйнай нерухомасці: склады, офісы, вытворчыя памяшканні з дзеючымі арандатарамі, зразумелай эканомікай і прагназуемай даходнасцю. Платформа стваралася як інструмент і для інвестараў, і для ўласнікаў, якія могуць размяшчаць свае даходныя аб’екты для прыцягнення калектыўных інвестыцый.
Інвестар можа ўбачыць адрас аб’екта, тып памяшкання, узровень запаўняльнасці, меркаваную даходнасць і параметры будучых інвестыцый, а таксама запытаць дадатковую інфармацыю па цікавым аб’екце.
Пасля фарміравання цікавасці да канкрэтных аб’ектаў ствараецца асобная кампанія — адкрытае акцыянернае таварыства, на баланс якога перадаецца нерухомасць. Далей інвестары могуць набыць ліквідныя акцыі гэтай кампаніі на біржы і атрымліваць даход ад арэнднага бізнесу ў выглядзе дывідэндаў штоквартальна.
Пры гэтым інвестар не займаецца аперацыйкай: пошукам арандатараў, тэхабслугоўваннем памяшканняў, дакументазваротам і кіраваннем аб’ектамі займаецца кіроўная кампанія.
У межах праекта ўжо створана першае такое ААТ — «Індустрыя Капітал». У яго ўвайшлі тры камерцыйныя аб’екты — склады і вытворчыя памяшканні — на вуліцы Казінца ў Мінску. 22 мая акцыі кампаніі былі афіцыйна дапушчаны да абарачэння на БВФБ, ужо адбыліся першыя ўгоды. Патэнцыяльная даходнасць праекта заяўлена на ўзроўні да 15% гадавых, а першая выплата дывідэндаў запланавана на ліпень.
Рэлацыраваліся? Цяпер вы можаце каментаваць без верыфікацыі акаўнта.