Алеся Чапкевич world 3 ліпеня 2026, 15:52

Яндэкс стварыў мапу даступнасці паліва на АЗС

Яндэкс тэстуе ў Расіі інтэрактыўную мапу з актуальнымі дадзенымі пра наяўнасць паліва на АЗС. Пра гэта ў кампаніі расказалі «Коду Дурава».

2 каментарыя

Яндэкс стварыў мапу даступнасці паліва на АЗС

Яндэкс тэстуе ў Расіі інтэрактыўную мапу з актуальнымі дадзенымі пра наяўнасць паліва на АЗС. Пра гэта ў кампаніі расказалі «Коду Дурава».

Мапа выкарыстоўвае абязлічаныя дадзеныя Яндэкс заправак пра фактычныя запраўкі аўтамабіляў за апошнюю гадзіну. Да сервісу падключана больш за 10 тысяч АЗС па ўсёй краіне.

Кіроўцам мапа паказвае бліжэйшыя запраўкі і час, калі там апошні раз нехта запраўляўся, а таксама дазваляе адразу пабудаваць маршрут. Логіка — калі зліў адбыўся нядаўна, значыць, паліва на станцыі з высокай верагоднасцю ёсць.

Пакуль мапа даступна толькі кіроўцам таксі ў праграме Яндэкс Про. Распрацоўшчыкі патлумачылі, што таксісты запраўляюцца значна часцей за звычайных аўтамабілістаў, і менавіта ім мапа эканоміць найбольш часу.

Каб дадзеныя заставаліся свежымі, сервіс папрасіў саміх кіроўцаў паведамляць пра сітуацыю на АЗС праз хуткі апытальнік. Прайсці яго можна проста ў праграме падчас запраўкі або проста праязджаючы міма станцыі. Па выніках эксперыменту Яндэкс вырашыць, адкрываць ці мапу для ўсіх аўтамабілістаў.

Як адзначае выданне, актуальнасць наяўнасці паліва абвастрылася на фоне паліўнага крызісу ў шэрагу расійскіх рэгіёнаў: на запраўках выстройваюцца чэргі, а асобныя маркі бензіну перыядычна знікаюць. На гэтым фоне імкліва набраў папулярнасць народны сервіс «ГдеБенз» — краўдсорсінгавая мапа, дзе самі кіроўцы адзначаюць наяўнасць паліва, чэргі і ліміты.

Пры гэтым мясцовае міністэрства энергетыкі ўжо папярэдзіла пра рызыкі такіх платформаў: маўляў, звесткі на іх могуць быць недакладнымі і схільнымі да маніпуляцый, ды яшчэ і персанальныя дадзеныя незаконна збяруць. Сам «ГдеБенз» усялякія абвінавачванні адмаўляе.

Навошта і чаму расейцам спатрэбіўся такі сервіс, «Код Дурава» не ўдакладняе.