Алеся Чапкевич world 26 мая 2026, 14:14

Хардверныя інжынеры выйгралі ад ШІ-буму: заробкі растуць у 2-3 разы хутчэй, чым у софтверных

Дзесяцігоддзямі ў Сіліконавай даліне праектоўшчыкі «жалеза» заставаліся ў цені і ціха капаліся ў мікрасхемах. Уся слава, тоны опцыёнаў і завоблачныя заробкі дасталіся софтверным распрацоўшчыкам, якія пісалі код.

Пакінуць каментарый

Хардверныя інжынеры выйгралі ад ШІ-буму: заробкі растуць у 2-3 разы хутчэй, чым у софтверных

Дзесяцігоддзямі ў Сіліконавай даліне праектоўшчыкі «жалеза» заставаліся ў цені і ціха капаліся ў мікрасхемах. Уся слава, тоны опцыёнаў і завоблачныя заробкі дасталіся софтверным распрацоўшчыкам, якія пісалі код.

ШІ-бум перавярнуў гэты сцэнар, адзначае Business Insider, і цяпер кампаніі, якія будуюць фізічную інфраструктуру для ШІ — накшталт Nvidia, Broadcom, SpaceX ды іншых — вядуць актыўную барацьбу за таленты. Спецыялісты, якія працуюць з сапраўднымі чыпамі, сістэмамі сілкавання і складанейшым ахаладжэннем для датацэнтраў, раптоўна ператварыліся ў адных з самых дэфіцытных і высокааплачваных зорак індустрыі.

Паводле дадзеных levels.fyi, даходы хардверных інжынераў на пачатковым і сярэднім этапах кар’еры растуць у 2-3 разы хутчэй, чым у іх калегаў з софтвернага сектара. Вось як выглядае разрыў у дынаміцы за 2023–2025 гады:

сярод джунаў з 0-2 гадамі вопыту прырост даходаў у хардверных інжынераў склаў +14%, у софтверных — усяго +5%.
сярод мідлаў з 3-5 гадамі вопыту даходы стваральнікаў «жалеза» выраслі на +9%, тады як у распрацоўшчыкаў софту фактычна стагнавалі, паказаўшы сімвалічны прырост у +1%.