Алеся Чапкевич world 26 кастрычніка 2026, 19:07

У Кітаі попыт на ШІ-інжынераў за год узляцеў на 1523%

У Кітаі рэзка вырас попыт на інжынераў укаранення (forward-deployed engineers), якія працуюць на баку кліента, адаптуюць ШІ-мадэлі пад рэальныя бізнес-працэсы і даводзяць іх да інтэграцыі. За першыя сем месяцаў года колькасць такіх вакансій на платформе Maimai ўзляцела на 1523% у параўнанні з аналагічным перыядам 2025-га, а гэтая пазіцыя стала самай хуткарастучай у ШІ-сектары краіны.

Пакінуць каментарый

Дадай у Google

У Кітаі попыт на ШІ-інжынераў за год узляцеў на 1523%

У Кітаі рэзка вырас попыт на інжынераў укаранення (forward-deployed engineers), якія працуюць на баку кліента, адаптуюць ШІ-мадэлі пад рэальныя бізнес-працэсы і даводзяць іх да інтэграцыі. За першыя сем месяцаў года колькасць такіх вакансій на платформе Maimai ўзляцела на 1523% у параўнанні з аналагічным перыядам 2025-га, а гэтая пазіцыя стала самай хуткарастучай у ШІ-сектары краіны.

На фоне дэфіцыту кадраў ByteDance, Tencent, Alibaba Cloud і Ant Digital выставілі вялікія аклады. У аб’явах аклад FDE вар'іруецца ад 30 тысяч да 65 тысяч юаняў (ад $4490 да $9730) у месяц. Самую высокую планку задала ByteDance: з улікам 15 выплат у год (штомесячных плюс бонусных) сукупны даход на гэтай пазіцыі можа дасягаць 975 тысяч юаняў (каля $146 тысяч) у год. Гэта ў 22 разы больш за сярэднегадавы даход у Кітаі, які ў 2025 годзе склаў 43 377 юаняў ($6495).

Зрэшты, эйчары адзначаюць, што топавыя аклады з абвестак атрымлівае толькі невялікая частка спецыялістаў, а большасці плацяць скрамней. Рынкавы прыярытэт кампаній — ШІ-натыўныя фулстэк-распрацоўшчыкі з практычным досведам стварэння ШІ-агентаў. Прычым ад кандыдатаў патрабуюць не проста кодынгу, а глыбокага разумення кліенцкага бізнесу з самых розных галінаў.

Трэнд на падрыхтоўку FDE падтрымліваюць карпарацыі і дзяржавы па абодва бакі акіяна. Tencent Cloud запусціла першую ў галіне праграму сертыфікацыі FDE для інжынераў, якія працуюць з яе платформай распрацоўкі агентаў, кітайскі Мінпрам даручыў вузам тэрмінова пашырыць падрыхтоўку такіх кадраў, а Anthropic інвестуе $100 млн у праграму падрыхтоўкі 10 тысяч FDE-інжынераў да канца 2027 года.