Штучны інтэлект павінен спрашчаць жыццё, але на практыцы гэта атрымліваецца не заўсёды. Кіраўнік Shopify Тобіас Люткэ ў падкасце The Knowledge Project заявіў, што з ШІ супрацоўнікі генеруюць масу матэрыялаў значна хутчэй, чым раней, але перастаюць браць на сябе адказнасць за іх якасць і дакладнасць.
Штучны інтэлект павінен спрашчаць жыццё, але на практыцы гэта атрымліваецца не заўсёды. Кіраўнік Shopify Тобіас Люткэ ў падкасце The Knowledge Project заявіў, што з ШІ супрацоўнікі генеруюць масу матэрыялаў значна хутчэй, чым раней, але перастаюць браць на сябе адказнасць за іх якасць і дакладнасць.
«Мы называем гэта "смеццевымі гранатамі". Людзі кідаюцца імі адзін у аднаго, і гэта бясспрэчна дрэнная тэндэнцыя», — адзначыў Люткэ.
Галоўная праблема ў тым, што людзі перадаюць калегам кавалкі працы, як след іх не праверыўшы. Як прыклад Люткэ прывёў выпадак, калі нехта адпраўляе велізарны ліст, цалкам напісаны ШІ, а атрымальніку даводзіцца выкарыстоўваць іншую моўную мадэль, каб папросту сціснуць гэты тэкст да сутнасці.
«Навошта нам гэтае архіваванне і разархіваванне? Гэта ж жахліва», — абурыўся кіраўнік кампаніі.
Пры гэтым сам Shopify актыўна ўкараняе тэхналогію: інтэрнэт-гігант запусціў ШІ-інструменты для прадаўцоў, а ўнутраны ШІ-агент River апрацоўвае велізарную долю — да паловы — усіх пул-рэквестаў.
Люткэ падкрэсліў, што ШІ прыносіць найбольшую карысць тады, калі дапамагае людзям думаць больш выразна і лаканічна, а не калі працоўныя сталы калег заваліваюцца нейраслопам. Ён дадаў, што адказнасць заўсёды ляжыць на чалавеку, а машыны проста дапамагаюць нам прымаць больш абгрунтаваныя рашэнні, забяспечваючы патрэбнай інфармацыяй.
Релоцировались? Теперь вы можете комментировать без верификации аккаунта.