Алеся Чапкевич bel 1 чэрвеня 2026, 10:59

«Чысцей, ярчэй і натуральней»: А1 запусціў палепшаную тэхналогію сувязі

А1 запусціў новае пакаленне галасавой сувязі Enhanced Voice Service (EVS) з больш высокай якасцю размоваў. Аператар абяцае, што голас будзе гучаць чысцей, ярчэй і натуральней: шумы паменшацца, а суразмоўцу будзе лягчэй зразумець нават на вуліцы, у транспарце ці ў шумным памяшканні.

Пакінуць каментарый

«Чысцей, ярчэй і натуральней»: А1 запусціў палепшаную тэхналогію сувязі

А1 запусціў новае пакаленне галасавой сувязі Enhanced Voice Service (EVS) з больш высокай якасцю размоваў. Аператар абяцае, што голас будзе гучаць чысцей, ярчэй і натуральней: шумы паменшацца, а суразмоўцу будзе лягчэй зразумець нават на вуліцы, у транспарце ці ў шумным памяшканні.

EVS — гэта сучасны галасавы кодэк, які перадае гук у больш шырокім дыяпазоне частот. Ён дазваляе чуць чалавека так, як ён гучыць у рэальнасці, а не як звычайна ў мабільных званках. Гэта значыць, гук больш аб’ёмны і натуральны, якасць голасу лепшая пры слабым сігнале сеткі, а таксама менш фонавых шумоў і скажэнняў.

Тэхналогія ўжо даступная паўсюль, дзе сетка А1 працуе ў LTE — карыстацца сувяззю пакалення 4G у сетцы А1 могуць 99% жыхароў краіны. Таксама паляпшанная якасць гуку даступная абанентам хатняга інтэрнэту А1.

Каб званкі аўтаматычна пераходзілі ў EVS, патрэбна:

быць мабільным абанентам А1 і знаходзіцца ў зоне дзеяння сеткі альбо быць падключаным па Wi-Fi да хатняга інтэрнэту А1;
мець прыладу з функцыяй выклікаў па VoLTE і VoWiFi з апошняй афіцыйнай версіяй ПЗ;
мець SIM-карту, якая падтрымлівае стандарты GSM/UMTS/LTE;
падключыць (або праверыць падключэнне) паслугі «Званкі ў 4G і Wi-Fi».

Дадатковых налад большасці абанентаў рабіць не трэба — калі прылада падтрымлівае тэхналогію, EVS уключыцца сама падчас званка. Аператар адзначае, што гэтая функцыя ёсць у большасці новых мадэляў, аднак старыя і некаторыя бюджэтныя тэлефоны могуць яе не падтрымліваць. Тады званок будзе працаваць у звычайным рэжыме HD Voice.