Супрацоўнік Універсітэта Кентукі Дэвід Дурман здабыў афіцыйнае права не выкарыстоўваць ШІ на працоўным месцы, піша TechCrunch. Будучы прыхільнікам свецкага гуманізму — а гэта атэістычны светапогляд, — ён здолеў афарміць для сябе так званы «рэлігійны адвод». Дурман сцвярджае, што ўкараненне нейрасетак супярэчыць ягоным базавым маральным перакананням.
Супрацоўнік Універсітэта Кентукі Дэвід Дурман здабыў афіцыйнае права не выкарыстоўваць ШІ на працоўным месцы, піша TechCrunch. Будучы прыхільнікам свецкага гуманізму — а гэта атэістычны светапогляд, — ён здолеў афарміць для сябе так званы «рэлігійны адвод». Дурман сцвярджае, што ўкараненне нейрасетак супярэчыць ягоным базавым маральным перакананням.
Як тлумачыць Дурман, гуманізм сканцэнтраваны на дабрабыце людзей і развіцці ўласнага розуму. Пастаяннае прымяненне ШІ, паводле яго, вядзе да дэградацыі крытычнага мыслення, без якога чалавек губляе здольнасць да маральнай самастойнасці. Таксама ён звяртае ўвагу на сацыяльную і экалагічную шкоду тэхналогіі: ШІ замінае людзям зарабляць на жыццё, яго інфраструктура знішчае экалогію, а падмена чалавечай творчасці ў мастацтве і літаратуры пагражае самой культуры.
У Амерыканскай гуманістычнай асацыяцыі адзначаюць, што закон аб абароне свабоды сумлення і рэлігіі на працы распаўсюджваецца не толькі на традыцыйныя канфесіі, але і на няверуючых, калі іхныя асцярогі за чалавечую годнасць заснаваныя на этычнай сістэме. На прэцэдэнт Дурмана натхніў досвед Эрын Маус — праграмісткі і прыхільніцы унітарыянскага універсалізму, якая раней таксама здабыла вызваленне ад ШІ на працы, што ў сферы распрацоўкі кода лічыцца вялікай рэдкасцю.
У самім Універсітэце Кентукі пацвердзілі, што разгледзелі запыт Дурмана ў індывідуальным парадку і прыйшлі да высновы, што адмова ад ШІ не перашкодзіць яму выконваць ягоныя асноўныя задачы ў суправаджэнні грантавых заявак. І хаця выкарыстанне ШІ ва ўніверсітэце пакуль не было строгім абавязкам, кіраўніцтва ўсё часцей рэкамендуе супрацоўнікам укараняць такія інструменты. Дурман вырашыў зафіксаваць сваю адмову юрыдычна загадзя — да таго, як рэкамендацыі ператворацца ў абавязковае патрабаванне.
Релоцировались? Теперь вы можете комментировать без верификации аккаунта.