Алеся Чапкевич bel 12 чэрвеня 2026, 16:24

Беларусы просяць польскі Сейм спрасціць атрыманне ПМЖ. Можаце падпісаць петыцыю

У сістэме Petycjeonline з’явілася петыцыя, складальнікі якой прапануюць польскім уладам спрасціць працэдуру атрымання ВНЖ у краіне — у прыватнасці, дазволіць рэзерваваць дату здачы адбіткаў пальцаў адразу пасля падачы заяўкі і праходзіць паўторную легалізацыю ў спрошчаным парадку, калі ключавыя абставіны жыцця ў Польшчы не змяніліся. Зварот, які сабраў ужо больш за тысячу подпісаў, заўважылі незалежныя беларускія медыя.

1 каментарый

Беларусы просяць польскі Сейм спрасціць атрыманне ПМЖ. Можаце падпісаць петыцыю

У сістэме Petycjeonline з’явілася петыцыя, складальнікі якой прапануюць польскім уладам спрасціць працэдуру атрымання ВНЖ у краіне — у прыватнасці, дазволіць рэзерваваць дату здачы адбіткаў пальцаў адразу пасля падачы заяўкі і праходзіць паўторную легалізацыю ў спрошчаным парадку, калі ключавыя абставіны жыцця ў Польшчы не змяніліся. Зварот, які сабраў ужо больш за тысячу подпісаў, заўважылі незалежныя беларускія медыя.

Аўтарам значыцца Валянцін Карэеў. Пакет уключае тры дакументы: петыцыю ў Сейм, петыцыю ваяводзе Паморскага ваяводства, дзе першапачаткова і ўзнікла ініцыятыва, а таксама ліст міністру лічбавізацыі і кіраўніку Упраўлення па справах замежнікаў.

У петыцыі ў Сейм пералічаны ідэі па паскарэнні легалізацыйных працэдур. Прапануецца зрабіць так, каб адсутнасць здадзеных адбіткаў пальцаў не блакавала разгляд справы аб ВНЖ, але з умовай, што заяўнік павінен будзе прайсці дактыласкапію не пазней за атрыманне карты побыту. А яшчэ прапануецца даць замежнікам магчымасць браніраваць дату здачы адбіткаў адразу пасля падачы заяўкі на ВНЖ.

Таксама аўтар прапануе ў спрошчаным парадку прадастаўляць паўторныя дазволы на часовае пражыванне, калі асноўныя абставіны справы істотна не змяніліся і могуць быць правераныя па публічных рэестрах.

У спрошчаным парадку прапануецца таксама разглядаць справы дзяцей, бацькі якіх законна знаходзяцца ў Польшчы. Іх прывязка да справаў бацькоў пазбавіць ад неабходнасці дубліраваць дакументы.

Частка мераў датычыць жыцця замежнікаў у Польшчы падчас разгляду заяўкі на ВНЖ. Штамп у пашпарце пра яго падачу або адпаведнае пацверджанне з сістэмы MOS прапануецца лічыць дастатковым пацверджаннем законнага знаходжання пры некаторых адміністрацыйных працэдурах, атрыманні дзяржаўных паслугаў і ва ўзаемаадносінах з «рэгуляванымі прыватнымі суб’ектамі» — напрыклад, з банкамі, дзе цяпер без дзейнага ВНЖ нельга адкрыць рахунак.