Злыя юзеры адмаўляюцца ад ШІ-рэдактара Cursor: «безлімітная» падпіска раптам пачала заканчвацца за тры дні
Генеральнаму дырэктару кампаніі Anysphere — распрацоўшчыцы папулярнага ШІ-інструмента для кодынгу Cursor — Майклу Труэлу давялося выбачацца: 16 чэрвеня яна цішком змяніла ўмовы падпіскі Pro за $20 у месяц, якая прадстаўляла 500 хуткіх адказаў прасунутых ШІ-мадэляў OpenAI, Anthropic і Google, а пасля — неабмежаваную колькасць адказаў на меншай хуткасці. Цяпер жа пасля вычарпання 20-даляравага ліміту па рэйтах API пастаўшчыкоў мадэляў трэба даплачваць, каб працягваць карыстацца падпіскай.
Cursor on X: «We recently updated our pricing, but missed the mark.»
byu/sardoa11 incursor
Карыстальнікаў такі паварот не задаволіў, і яны пайшлі скардзіцца ў сацсеткі. У адных падпіскі стала хапаць толькі на тры дні, а ў іншых — толькі на некалькі запытаў да новай версіі Claude, якая вельмі папулярная сярод кодэраў. Трэція скардзіліся, што ім без папярэджання пачалі выстаўляць рахунак, хаця яны не ведалі, што з’явяцца дадатковыя выдаткі пасля перавышэння сумы ў $20, і не ўсталявалі абмежаванні па выдатках.
На Reddit з’явіўся заклік да байкоту Cursor, а некаторыя заявілі, што пераходзяць на Claude Code ці Windsurf. Некаторыя лічаць, што падобным Cursor сэрвісам жыць засталося нядоўга, таму што распрацоўшчыкі мадэляў запускаюць на базе іх уласных ШІ-асістэнтаў.
У Anysphere сказалі, што вернуць грошы людзям, якім давялося нечакана пераплаціць, і паабяцалі ў далейшым больш выразна артыкуляваць цэнавыя манеўры. Труэл патлумачыў, што прайс змянілі таму, што новыя мадэлі больш здольныя, і таму больш «пражэрлівыя» ў плане рэсурсаў. Калі раней умовы тарыфа Pro пакрывалі выдаткі, то цяпер кампанія вырашыла перакласці іх на карыстальнікаў.
Читать на dev.by